Not my first rodeo

Posted January 3rd, 2018. Filed under átak bækur markmið

Árið 2017 var ár áta…breytts lífstíls. Eins og ég sagði í áramótauppgjörinu er þetta ekki í fyrsta skiptið, en engu að síður í fyrsta skipti sem ég hef enst í heilt ár með heilnæmara mataræði, sælgætis- og sykurgosbindindi. Reyndar er svo komið að ég má fá mér einn og einn nammimola, og mest allt síðasta ár var einhvers konar dökkt súkkulaði í skápnum, enda ekki hægt að fá sér nema 1-2 bita af svoleiðis án þess að vera búinn að fá nóg.

Ég byrjaði reyndar seint að halda nákvæma viktardagbók, en eins og þessi mynd sýnir hefur þetta ekki enst fyrr svona lengi

Þessi ágæta mynd sýnir auðvitað líka hvað gerist óumflýjanlega þegar ég hætti að hugsa um viktina!

Ég fann þetta ágæta Excel skjal í morgun, það hafði reyndar aldrei týnst, en fann annað í leiðinni, “Markmið 2010” þar sem ég hafði sett mér ýmis konar markmið fyrir það ágæta ár. Það var ágætt að sjá það enda hafði ég ímyndað mér að gera eitthvað svipað þetta árið og gott að rifja upp að þetta tókst ekkert svo vel 2010. Reyndar hélt ég út í hálft það ár, en svo hallaði undan fæti.

Talandi um markmið?

En ég ætla að vona það besta og gera mitt til að gera 2018 frábært!