2

Vonlausir Frakkar

Posted June 18th, 2010. Filed under Uncategorized

Þetta er allt á uppleið!
Argentínumenn rústuðu Suður Kóreu sannfærandi, Higuain með fína (en að nokkru leyti létta) þrennu, Messi var allt í öllu. EN! Mikið held ég að þjálfarar bestu liðanna hafi horft brosandi á það hvernig Lee tók Demichelis í nefið. Vörnin verður áfram spurningarmerkið hjá Argentínu.
Mynd þessari stal ég frá hinu mjög svo ágæta WorldCupBlog. Messi er á leiðinni að líkja eftir Maradona, en þarf mynd af sér með sex varnarmönnum, ekki fjórum til að jafna El Diego 🙂

Ef það hefðu ekki þótt ólíkleg úrslit fyrir keppnina, þá var sigur Grikkja á Nígeríu það eftir fyrstu umferðina, enda var ein og aðeins ein ástæða fyrir honum: Kaita ákvað uppá sitt eindæmi að gefa leikinn með heimskulegasta rauða spjaldi keppninnar hingað til. Annað var það nú ekki. Nígería verður að vinna og skora tvö mörk gegn Suður Kóreu (tveggja marka sigur, eða eins marks sigur 2-1 eða stærra) og treysta á sigur Argentínu gegn Grikklandi.
Og loks að lélegasta þjálfara keppninnar og slökustu liðsheildinni. Frakkar voru svo lélegir gegn Mexíkó að það bólaði ekki einu sinni á prímadonnu-ég-ætla-að-skora-sjálfur stælunum úr fyrsta leiknum. Mexíkó er einfaldlega með þrælsterkt, þaulreynt og velæft lið sem átti sigur skilinn.
Sem United maður fagna ég mjög vel afgreiddu marki Javier “Chicharito” Hernandez.
Að deginum í dag: Þýskaland verður að byggja á góðri byrjun og vinna Serba 2-0. Síðan getum við lagt okkur því Slóvenía – Bandaríkin og England – Alsír fara báðir núll núll. Jafnvel þó David James verði í marki Tjalla.

2 Responses so far

  1. Siggi Kári says:

    Mér finnst persónulega menn vera að ofmeta styrk Argentínumanna. 1-0 á móti Nígeríu eru ekki góð úrslit þótt þeir hafi skapað mikið af færum. Það er líka satt eins og þú segir að sóknarlega sterkari lið en S-Kóreu eiga mjög auðvelt að skora hjá þeim.
    Annars er ég ekki sammála þér í svartsýni fyrir hönd Tjallanna. Green verður í markinu og flott uppstylling frammi: Barry og Lampard á miðjunni, Gerrard í holunni og Rooney og Defoe frammi. Þetta fer 3-0!

  2. James verður í markinu: sjá Telegraph og víðar í ensku pressunni.
    HM bloggið fer ekki með fleipur!!

Leave a Comment