Mistök

Posted June 30th, 2006. Filed under Uncategorized

Er nú ekki lágmark að vita muninn á Al Gore og Dan Quayle?
Aumt að nota Quayle til að halda því fram að Gore sé fífl. En það er auðvitað allt leyfilegt þegar málstaðurinn er góður er það ekki?
By the way, bankar draga ekki niður með sér skuldara þegar þeir fara á hausinn. A.m.k ekki það ég viti. Ef langtímaskuldabréf eru með ákvæðum um fyrirvaralausa innköllun af bankans hálfu ef banki þarf (þeas fer á hausinn) þá vil ég sjá það sannað. Annað mál með hluthafa í bankanum en innistæður eru að hluta tryggðar.
Aftur, auðvitað má fara með fleipur ef málstaðurinn er góður.

Fjórðungsúrslit

Posted June 30th, 2006. Filed under Uncategorized

Er rétt að ná mér eftir leiðindi og vonbrigði 2. umferðar þar sem hræðsla réði ríkjum. Ekki það að það hefur oftast verði þannig.
Nú eru að mestu stórkanónur eftir og vonandi að leikirnir verði góður. Mig grunar að svo verði ekki.

Þýskaland – Argentína 1 – 2

Liðin sem hafa spilað best hingað til. Því miður lenda þau hér saman og Argentína hefur þetta.

Ítalía – Úkraína 1 – 0

Öll sólarmerki benda til þess að þetta verði svefnleikur. Því miður. Forza Azzuri!

Cave Cave

Posted June 29th, 2006. Filed under Uncategorized

Áður en kerfið hrundi var ég að kaupa miða í 14. röð.
Eftir að kerfið kom upp aftur fékk ég miða í 1. röð. Fannst það of nálægt, bað um annan, fékk 21. röð. Jæks… Bað um annan, júps, aftur í 1. röð. Vonandi verður ekki svitalykt af karlinum.

Frábær ferð

Posted June 28th, 2006. Filed under Uncategorized

Var að koma ofan af Skaga hvar Víkingar sóttu þrjú stig í frábærum sigurleik. 4-1.
Það er náttúrulega súrreal ef við verðum í öðru sæti eftir fyrri umferð, jafnvel þó það verði það þriðja.
Rétt að muna að við erum samt aðeins fjórum stigum frá fallsæti. Þetta er bara brjáluð spenna.
Ekki einungis voru Skagamenn gestrisnir á vellinum, ég fékk líka þennan fína kvöldverð hjá Brandi félaga mínum og Eddu konu hans.
(úps. gleymdi að ýta á publish!)

Posted June 25th, 2006. Filed under Uncategorized

… þetta var stjarnfræðilega leiðinlegt.
Spáði rétt hér, verst að ég hafði það 2-1 í spáleiknum fyrir vinnuna.
Ég ætla að reyna að gera eitthvað núna til að vakna úr dáinu.

Úbs.

Posted June 25th, 2006. Filed under Uncategorized

Gleymdi að blogga… Var á kafi í tölvunördisma
Þetta var flott í gær, Þjóðverjar enn og aftur dúndursterkir, en Svíar ekki sannfærandi. Svo sýndu Mexíkanar svaka leik, minnugir aumingjarskaparins gegn Bandaríkjunum fyrir fjórum árum. Ekki að það dygði, Argentína hafði það með baráttu. Þýskaland Argentína verður hörkuleikur!

England – Ekvador 1 – 0

Ekvadoooooooooooooooooooooooooooooooooooooooooor! England stillir upp varnarsinnuðu 4-5-1, eða 4-1-4-1 eftir því hvernig menn vilja hafa það. Rooney getur alveg spilað einn frammi, en þetta verður ekkert auðvelt.
Meira um Portúgal – Holland á eftir.

Framkvæmdastjóri á lausu

Posted June 24th, 2006. Filed under Uncategorized

Þessi atvinnuumsókn er ekki ný tegund. Svarið við henni er hins vegar alveg stórkostlegt. Steve Gibson er flottur.

Fitlið búið, alvaran byrjuð

Posted June 24th, 2006. Filed under Uncategorized

Byrjum á því að fara yfir riðlana:

A riðill

Ég spáði Póllandi og Þýskalandi áfram, Þýskaland og Ekvador var reyndin. Smá vonbrigði með Póllana, en Stálið var sterkara en ég bjóst við.

B riðill

Ég spáði England, Svíþjóð, og hafði rétt fyrir mér. Eina óvænta var jafntefli ToT og Svía.

C riðill

Dauðariðillinn var meira aumingjariðill. Ég spáði Serbum og Svartfellingum áfram! Og Hollandi. SoS voru aumingjar, og Argentína dúndursterk. Þarna var ég að veðja á það óvænta og klúðraði.

D riðill

Angóla náði þarna tveim góðum jafnteflum, en Portúgal og Mexíkó fóru áfram eins og ég spáði.

E riðill

100% röð, Ítalía, Ghana, Tékkland og BNA alveg eins og ég spáði, en boy oh boy var það tæpt um tíma. Hægt að segja að Ghana hafi komið á óvart, en Bandaríkin – Ítalía var næstum surprise leikur keppninnar.

F riðill

Króatar ullu vonbrigðum, Ástralir aðeins betri en ætlað var, og Brasilía er að malla þetta í gegn. Á reyndar eftir að horfa á Japans leikinn þeirra, en á ekki von á að þeir heilli mig. Ég spáði þeim þó áfram.

G riðill

Þarna var ég næstum úti að aka eins og Fransí. Spáði þó Sviss og Frakklandi áfram bara í öfugri röð. Hélt að Tógó tæki Suður Kóreu, síðarnefndu voru bara þokkalegir.

H riðill

Sem ég sagði, Spánn og Úkraína áfram. Spánverjar mjög flottir.

Alvöru HM

Nú byrjar svo alvöru heimsmeistarakeppnin. 16 leikir af þessum 64 sem skera út um allt. Einu sinni var HM svona, hvernig líst ykkur ef þetta hefði verið reyndin:
Riðill A: Þýskaland; England; Mexíkó; Portúgal
Riðill B: Argentína; Frakkland; Ghana; Sviss
Riðill C: Brasilía; Ítalía; Ástralía; Svíþjóð
Riðill D: Spánn; Niðurlönd; Ekvador; Úkraína
Ekkert bull. Slatti af Evrópu, Brasilía, Argentína og tvær aðrar þjóðir frá Ameríku, ein Afríkuþjóð (ættu að vera tvær), og ein frá Asíu/Eyjaálfu. I wish…
Ég er reyndar mjög ánægður með þetta, sakna engrar þjóðar þarna eins og stundum áður í 16 liða.
En, það er liðin tíð og nú er þetta bara bikarkeppni.

Þýskaland – Svíþjóð 2 – 0

Þýska stálið gegn sænska … stálinu?. Þetta verður flottur leikur. Bæði lið geta gert mistök sem lífga upp á leikinn, ólíklegt þetta verði skotgrafahernaður. Spái því að Pólland vinni!

Argentína – Mexíkó 2 – 0

Ameríkubardaginn. Auðvitað ekki spurning hver vinnur, en Mexíkó mun gefa allt sitt í þetta.

Snúinn til baka

Posted June 22nd, 2006. Filed under Uncategorized

Jæja, ég náði nú eitthvað að horfa, en ef eitthvað er þá hefur þetta alveg læknað mig af að því að horfa á alla leiki.
Það er náttúrlega alveg ljóst að hingað til eru það Argentína og Spánn sem eru að spila best. Brasilía er ekki sannfærandi og önnur lið hafa ekki lent í erfiðari leikjum eða verið ósannfærandi.
Dauðariðillinn varð ekki Argentínuriðillin, heldur E riðill sem verður útkljáður nú á eftir. Ítalía og Tékkland fóru í ósannfærandi flokkinn á laugardaginn, og bæði Bandaríkin og Ghana sýndu góða leiki. Bandaríkin eru ekki með góða einstaklinga, en náðu að rífa sig upp eftir Tékkaleikinn og sýna að samhæfni og samstaða er þeirra styrkur. Það er allt opið þó ég haldi að Ítalir eigi að vinna Tékka. Tékkar gætu kallað á meiðslabræðurna Koller og Baroš.
Í kvöld… fer ég á Víking – FH. Á meðan þætti mér óstjórnlega fyndið ef Japan kemst áfram með sigri á Brasilíu, en Króatar ættu að taka Ástrali.
Nóg í bili, lofa að vera duglegri

Myndir

Posted June 22nd, 2006. Filed under Uncategorized

Hér eru myndir úr brúðkaupinu um síðustu helgi

Jippí

Posted June 20th, 2006. Filed under Uncategorized

Kominn heim eftir hreinlega frábæra ferð.
Þetta var yndislegt brúðkaup!
Myndir koma síðar, er dauðuppgefinn.

Jæja

Posted June 14th, 2006. Filed under Uncategorized

Frakkar ætla að endur taka leikinn frá því síðast og vera slakir. Það kemur aðeins á óvart. Riberý lofar góðu.
Það kemur hins vegar ekki sérstaklega á óvart að Brassarnir voru arfaslakir í gær. Það hefur hingað til ekkert lið sýnt að önnur lið eigi að óttast þau eitthvað sérstaklega, keppnin er galopin.
Nú hins vegar ætla ég að taka smá hlé frá HM í fyrsta skipti í 16 ár. Við sjáumst í næstu viku.

Eftir á að hyggja

Posted June 13th, 2006. Filed under Uncategorized

Dyggir lesendur hafa tekið eftir að ég er einstaklega duglegur við að fjalla ekki um leiki eftir á. Reynum að eins að breyta því. Sumum fannst Ástralía – Japan stórskemmtilegur, mér fannst hann allt í lagi. Ástralir áttu auðvitað sigurinn skilinn, en 3-1 var helst til stórt. Mistækur dómari þarna. þessi lið eiga ekki eftir að ógna Brasilíu og Króatíu.
Bandaríkin voru þvílíkt á hælunum. Gott. FIFA er á leiðinni að endurskoða hvernig þeir raða á heimslistann. Betra. Tékkar voru flottir, en eru að verða uppiskroppa með sóknarmenn. Það hefur verið vitað síðan hann var táníngur að Rosický væri dúndurgóður, honum hefur bara á einstakan hátt tekist að komast hjá því að sanna það. Fyrr en núna. Eftir að Arsenal er búið að kaupa hann. Djöfuls.
Ghana var svipað og ég bjóst við, keyrðu á krafti og hraða. Verst fyrir þá að þeir héldu ekki út nema svona 70 mínútur og voru þá alveg búnir. Essien er naut, heppinn að fá ekki gult í gær. Ítalirnir voru þrælgóðir. Ítalía – Tékkland verður úrslitaleikurinn í riðlinum, hörkuleikur. Ég reyndar hafði spáð Ghana áfram, en held að Tékkar séu of sterki. Verð eitthvað bissí á eftir, óvíst um hvort ég nái umfjöllun, hér er spáin fyrir daginn:

Suður Kórea – Tógó 0 – 2
Frakkland – Sviss 2 – 1
Brasilía – Króatía 1 – 1

Ný vinnuvika. Not.

Posted June 12th, 2006. Filed under Uncategorized

Einn whocares, einn ‘áhugaverður’ og svo gli Azzuri!!

Ástralía – Japan

Ég er alveg á móti því að Ástralir fari að vilja eitthvað upp á dekk í fótbolta. Geta haldið sig við krikket, rúbbí og sund. Einn að þessum leikjum sem mætti fara -1 – -1.
Þið verðið öll í vinnunni og ‘púlarar sem ætla að horfa á Kewell, sem mér skilst að byrji á bekknum eins og í síðasta upphitunarleiknum. Ég lít á þetta næstum sem vinnu að horfa. úha.

Ástralía – Japan 1 – 0
Lykilmenn: Kewell og Nakata
Spútnikar: Ekki séns.

BNA – Tékkland

Sterkasta lið sem Bandaríkin hafa sent á HM segja gárungarnir. Ekki fjarri lagi enda fimmta besta lið í heimi. Mest allt kunnugleg nöfn þar og reynsla og samheldni. Tékkar eru hoknir af reynslu, kannske helst til hoknir. Þriðja elsta liðið í keppninni og með fjóra lykilleikmenn yfir þrítugu. Þeir eru númer tvö á heimslistanum. Þetta verður hörkuleikur. Nedvěd er enn ein gamla hetjan sem snýr aftur, Figo sýndi að það er líf í gömlum glæðum og Nedvěd ætti að geta það líka. Ef hann er heill þ.e.a.s. Hann haltraði af æfingu á fimmtudag. Baroš meiddist á föstudag og Rosický er að koma til baka úr meiðslum.

BNA – Tékkland 0 – 1
Lykilmenn: Donovan og Rosický
Spútnikar: Flestir leikmenn eru þekktar stærðir, bara spurning hvort þeir spila eins vel og þeir geta

Ítalía – Ghana

Eins og ég spáði keppninni þá er þetta næstum úrslitaleikurinn í riðlinum. Hitt liðið mitt í keppninni eru Ítalir og þeir ætla ekki að valda mér vonbrigðum, fara í undanúrslit. Ghana er með nautsterkt lið sem á kannske einna helst í vandræðum með sóknarleikinn. Þar er spurt hvort Asamoah Gyan geti slegið í gegn. Á miðju og í vörn. Essien, Kouffour og Appiah eru kunnugleg nöfn og þeir eiga eftir að valda hinum liðunum höfuðverkjum. Ítalir munu sakna Gattuso á miðjunni og það er óljóst hvort Totti verður heill, en miðju og sóknarúrvalið ætti að vera nægt. Camoranesi, Pirlo, Toni, Inzaghi, Gilardino og Toni eru engin smá nöfn. Eins og sést á tengli hér til hliðar heldur Claudio Ranieri að Daniele de Rossi sé hinn ítalski Frank Lampard. Það getur verið að Ranieri sé slakur stjóri, en hann þekkir góða leikmann. Ég ætla því að fylgja honum. Að auki ku Simone Barone vera alveg við að komast í liðið. Engu að síður verða þetta einu stigi sem Ítalir tapa í riðlinum.

Ítalía – Ghana 1 – 1
Lykilmenn: Totti (ef hann spilar og heldur skapinu í skefjum) og Essien
Spútnikar: de Rossi og Gyan.

Í gær

Posted June 12th, 2006. Filed under Uncategorized

Bara stikkorð: Hollendingar treysta á Robben, Ruud bætti engu á hugsanlegt kaupverð. Van Persie er einfættur.. Mexíkó er gott en ekki 4ða besta lið í heim. Portúgalir voru öruggir en andlausir. Eyði ekki frekar orðum á annars óspennandi dag þar sem hápunktur var stærsta ‘veifa’ sem lið hefur komið með handa hinu, innrammað teppi maðurlifandi, og Versta Hárgreiðsla HM: Það er eins og Loco hafi hnerrað ljótu yfirvaraskegginu á sér uppá enni.

Eftirfarandi auglýsing birtist í Fréttablaðinu á laugardag:

Renault Megane ’98 fæst fyrir lítið vegna flutn. Billínn er Sk ’06 og ek. aðeins 43 þús. km. Björn sýnir bílinn að Giljalandi 22, laugard. 10.06 milli kl. 13.00 og 15.00

Reyndar er Meganinn minn ’00 og ekinn 35þús. en það er ljóst að þetta er drusla og enginn vildi missa af Englandsleiknum sem var á nákvæmlega þessum tíma til að kíkja á. Ég hefði heldur ekki viljað missa af leiknum. Enda uppgötvaði ég þessa auglýsingu ekki fyrr en í gær að einn rak inn nefið.
Alltaf gaman þegar vinnufélagar manns hugsa vel til manns. Ekki reyna þetta aftur!

Svört fjöll eður ei?

Posted June 11th, 2006. Filed under Uncategorized

Jevtić er fæddur í Svartfjallalandi en telur sig víst Serba. Framtíðin er ekki björt fyrir svartfellska landsliðið…

Ekki er allt sem spáð

Posted June 11th, 2006. Filed under Uncategorized

Ekki er hollenska liðið svipað því sem ég bjóst við. Enginn Kuyt, Kromkamp eða Maduro. Þarf að lesa betur. Sneijder er inni og van Persie verður í næstfremstu línu. Þetta sýnir styrkinn. Þarna er valinn maður í hverju rúmi. Nú er bara að hlakka til.

Heimsmeistaradagur

Posted June 11th, 2006. Filed under Uncategorized

Nú er komið að því. Í daga spila verðandi heimsmeistarar sinn fyrsta leik. Já ég spái Hollendingum titlinum. Og svo held ég líka með þeim. Skemmtileg tilviljun!

Serbía og Svartfjallaland – Niðurlönd

Það er ekki oft sem vitað er að lið sé að spila í síðasta sinn á HM. Ekki að það muni hafa mikil áhrif á tilvonandi landslið Serbíu, markvörðurinn Dragoslav Jevrić er eini Svartfellingurinn í hópnum. Serbar og Jevrić komust með glæsibrag í keppnina, unnu sinn riðil, m.a. Spán, og fengu aðeins eitt mark á sig. Vörnin, þeirra aðalsmerki hefur ekki verið vel þekkt fyrr en Nemanja Vidić gekk til liðs við United en þekktari, þó kannske ekki fyrir frábæru hlutina eru Kežman og Milošević. (Þetta lítur alveg skelfilega út á makka, ekki satt?) . Ef vörnin heldur þrátt fyrir að Vidić sé í banni og þeir tveir skila sínu á þetta lið að geta haldið sínu og vel það í dauðariðlinum.
Holland. Tja. Já, heimsmeistarar verðandi. Segi það nú og verð að standa við það. Það getur verið að þessi keppni sé aðeins of snemmt fyrir ungt lið Hollendinga. Robben, van Persie og Schneijder eru 22 ára, Hedviges Maduru sem búist er við að verði lykilmaður á miðjunni er 21 og Rafael van der Vaart sem er einhver besti ungi spilari Hollands síðari ár er orðinn 23 og hefur hálf horfið eftir að hann fór til HSV og á ekki öruggt sæti í liðinu. Vörnin hefur verið mjög breytileg nema að einu leyti, þeir fá á sig afskaplega fá mörk, enda stendur þar að baki Edwin van der Sar, hokinn af reynslu og sjaldan eða aldrei í betra formi. Dirk Kuyt er eftirsóttur í Englandi, greinilega ekki vegna gáfna (lýsti því yfir að hann vildi fara í “toppliðið” Newcastle), markamaskínan með flotta nafnið Jan Vennegoor of Hesselink þarf að verma bekkinn útaf einhverjum Rutgerus eitthvað sem spilar víst fremstur.
Engu að síður þá verður þetta róleg byrjun, varnirnar sýna styrkleikann og niðurstaðan:

Serbía og Svartfjallaland – Niðurlönd 0 – 0
Lykilmenn: Mateja Kežman og Rutgerus Johannes Martinius van Nistelrooij
Spútnikar: Ungu hollensku leikmennirnir eru nú þegar stjörnur flestir. Nema Maduro.

Mexíkó – Íran

Úr dauðariðlinum í D-repleiðinlega riðilinn. Það er tvennt sem getur bjargað þessum riðli. Markasúpur og Portúgal í heimsmeistaraformi, eða að Íran og Angóla komi meira á óvart nokkur þar þori að vona. Þó er Íran sterkara liðið og er með reynslubolta innanborðs. Óhamingjusamasti maður á HM, Mehdi Mahdavikia (tvær tengdamæður? need I say more…) er liðtækur á kantinum og Ali Daei hefur skorað 120 landsliðsmörk.
En í fimmta besta liði heims (FIFA alltaf sterkir í bröndurunum) finna þeir ofjarl. fimm manna Mexíkóvörnin er reynslumikil, þar er meðal annars Barça maðurinn og fyrirliðinn Rafael Márquez og að baki stendur einn af betri markmönnum heims, Oswaldo Sanches. Frammi er spurning hvort Jared Borghetti nær að hrista af sér slakt tímabil með Bolton, það er eins og oft að það er tvennt ólíkt að spila með landsliði og félagsliði. Gegn Íran tekst þetta:

Mexíkó – Íran 2 – 0
Lykilmenn: Sanches og Ali Daei
Spútnikar: Ekki hugmynd.

Angóla – Portúgal

Hér skiptir aðeins eitt máli. Uppgjör við herraþjóðina. Síðast þegar þessar þjóðir mættust fór 4-1. Í rauðum spjöldum, þeas.
Styrkur Angóla er samheldni, barátta og gott skipulag. Enginn þeirra er að spila með sterku liði og markvörðurinn hefur verið að æfa á eigin spýtur síðasta árið.
Portúgal vitum við allt um. Í úrslit á síðustu EM, Figo er þarna enn (með göngugrind, skv undanþágu FIFA) sem og Pauleta, síðustu eftirlegukindur gullkynslóðarinnar. José Mourinho hefur séð til þess að önnur nöfn eru þarna kunnugleg, en tveir menn eru öðrum fremur lykilmenn. Cristiano Ronaldo á að sjá um spilið og Deco á að skora eða mata Pauleta. Ef þeir verða í formi verður Portúgal í formi. Það er ekki hægt að segja að þeir séu með ungt lið, Ronaldo er langyngstur, 21 árs

Angóla – Portúgal 0 – 4
Lykilmenn: Miðvörðurinn Jamba og Cristiano Ronaldo
Spútnik: Helder Postiga gæti komið sér aftur upp á stjörnuhimininn.

Whúha.

Posted June 10th, 2006. Filed under Uncategorized

Fyrsta smellrétta spáin dottin inn. Ekki nóg með það heldur voru lykilmennirnir líka bestu mennirnir í sínum liðum, Riquelme maður leiksins. (minnstu ekki á Tevez, takk) Besti leikurinn af þessum fimm og góður endir á deginum eins og var viðbúið. Ekki spurning að Fílarnir segja þessa varamenn sína í byrjunarlið næst, í það minnsta Dindane. Báðar þjóðir voru að spila mjög vel og skemmtilega. Fílabeinsströndin er kannske með eilítið veikari liðsheild og Argentína er með nokkra menn sem geta unnið leik uppá eigin spýtur og það kom vel í ljós. Vel dæmt, boltinn fór ekki yfir línuna, Saviola var ekki rangstæður en svo var rangstæða rétt dæmd í seinni hálfleik.
Flottur leikur í alla staði.