Kosningar

Posted May 27th, 2006. Filed under Uncategorized

Vaknaði tiltölulega seint (hálf níu) og þar sem heilsan var bara í góðu lagi þrátt fyrir smá viskísmökkun í gær (þar sem ég lærði líka að að steikja mjúkskeljarkrabba) dreif ég mig niður í vinnu til að sinna prófunum sem ég eiginlega hafði komið á aðra. Það tókst vel og ég fór heim og dreif mig í bestu fötin og rölti upp hæðina og í Breiðagerðisskóla og kaus. Mæli með að þið gerið slíkt hið sama.
Ákvað mig ekki endanlega fyrr en inni í klefa. Ég sé að aðrir frjálshyggnir félagshyggjumenn í bloggheimum hafa átt í svipuðum vandræðum og ég. (vill ekki einhver stofna flokk? plís?) En á endanum þarf alltaf að ákveða sig, hvort sem skilað er auðu, Samfylkingin er kosin eða Sjálfstæðisflokkurinn.. Mér tókst líka að ákveða mig. Það eina sem ég get fullyrt og var alltaf öruggt að það var ekki kross við F.
Núna ætla eg að eyða deginum í ekki neitt.
ps. Arnaldur er kominn í kilju. Var hún ekki frekar slök?

Fjögur eitt

Posted May 25th, 2006. Filed under Uncategorized

Víkíngur vann Breiðablik í dag fjögur – eitt. 4. 1. Fjögur. Eitt. f-j-ö-g-u-r…
Ég get varla hætt að segja þetta. Fjögur – eitt.
Enda veit maður aldrei hvenær næst gefst tækifæri á að þylja svona markatölu.
það var lagið piltar!
Víkin var full af pólitíkusum. Hvað er eiginlega í gangi?? Kosningar??

Mýktin mikla

Posted May 23rd, 2006. Filed under Uncategorized

Fékk kosningabækling exdé inn um lúguna. Og aldrei þessu vant last ég bleðilinn. Og vá. Ég grandskoðaði og leitaði, og það eina í honum sem jaðraði við frjálshyggju og áherslu á einkaframtak var að börn mættu velja um grunnskóla. Sem í sjálfu sér er ekki einu sinni loforð um einkarekstur. Mýktin er eins og í hlassi af sykurpúðum. Og sykurpúðalýsingin á reyndar við allar fallegu myndirnar af frambjóðendunum líka.
Einhvern veginn býður mig í grun að það verði ekki bara þessi bæklingur sem ráði för. Og mikið hlýtur að vera leiðinlegt fyrir hægri menn í flokknum að mega ekki vera með í borgarpólitík nema bera huliðshjálm.

Vinstri grænir – umhverfisvænir?

Posted May 18th, 2006. Filed under Uncategorized

Never mind þetta með hömmerinn. Heyrði ekki betur en heill tómur strætó fyrir utan Austurver í dag væri með vélina í gangi bæði þegar ég kom og fór. Dædóinn var vel merktur VG og inni voru einhverjir að dreifa miðum. Ekki mjög grænt!

Væl alltaf

Posted May 18th, 2006. Filed under Uncategorized

Arsenal menn byrjaðir að væla undan dómaranum. Ætli þeir hefðu vælt ef leikaraskapurinn í Eboue hefði ráðið úrslitum?
Aumingjar eru þetta…

Fjúkk…

Posted May 17th, 2006. Filed under Uncategorized

Mikið svakalega er ég feginn að Barça vann. Þetta hefði annars verið næstum jafn erfitt og í fyrra. Það er alveg fyrir utan það að ég held með Barça meira en flestum liðum fyrir utan United og Víking.

Úffeh

Posted May 16th, 2006. Filed under Uncategorized

Ekki fór þessi fyrsta umferð vel. Víkingar töpuðu gegn slökum, en skárri, Fylkismönnum, lögðust saman eftir að fá á sig mark. Og öll liðin sem spáð var í neðri hlutanum unnu. Þetta gæti orðið strembið.
Annars er bara komið vor. Bjart á morgnana og fjör. Það stendur á skyr.is drykkjardollunum að þær eigi að hristast. Það er hvergi varað við að það megi ekki hrista eftir að þær hafi verið opnaðar. Það finnst mér galli. Spurning um að fara í mál? Mig gæti vantað nýtt lyklaborð.
Af hverju kemur það ekkert á óvart að Juve hafi óhreint mjöl í pokahorninu? Eða að Sleazio Berlusconi fari fyrstur manna að væla. Bara af því að hann var ekki hleraður…
Svo er ég aðeins að fá spennu fyrir HM. HM bloggið fer að fara af stað. Byrjar örugglega á því að slatti af HM tenglum fer þarna inn. Reyndar þarf ég að fara í brúðkaup í BNA um miðjan júní og missi úr nokkra daga, en það sorglega er að það er varla nokkur leikur þessa 6 daga sem er spennandi á pappírnum. Þannig er það. Svo slepp ég við að styðja KR fjárhaglega með að fara á KR – Víking.

Mæðradagurinn

Posted May 14th, 2006. Filed under Uncategorized

The NSA would like to remind everyone to call their mothers this Sunday. They need to calibrate their system.

Það er allt gott og blessað að fylgjast með fótbolta í sjónvarpi, en í dag byrjar alvaran. Víkingur – Fylkir kl 4. Síðast þegar Víkingur lék í núlltu deild töpuðum við fyrsta leik 0-4 sem setti menn alveg út af laginu. Það gerist ekki núna.
Berserkir verða vonandi í stuði.