Út í geim

Posted July 26th, 2005. Filed under Uncategorized

Horfði á geimskutluskotið í beinni. Þvílík tilfinning. Mannkynið verður að halda áfram geimferðum, kostnaður eða ekki. Aftur til tunglsins, áfram til Mars.
Það er ekki margt sem ég myndi frekar vilja sjá en Marslendingu manna, nema kannske geimlyftu og ég hef fulla trú að sjá annað eða bæði áður en yfir lýkur.

Líkamsárás Kristjáns Finnbogasonar

Posted July 24th, 2005. Filed under Uncategorized

Djöfulli var þetta ljótt. Kristján Finnbogason má prísa sig sælan að hafa ekki hitt Hörð Sveinsson þegar sá síðarnefndi skoraði 3ja mark Keflavíkur gegn KR. Brjálæðingurinn kom útúr teignum og tók fljúgandi tæklingu með fótinn á undan í lærishæð. Það er eitthvað að ef hann fær ekki nokkurra leikja bann. Enn ein ástæðan til að hata helvítis KR.

Aftur niður á jörðina

Posted July 24th, 2005. Filed under Uncategorized

En, nei, flestir dagar eru eins og í dag, og því leitar hugurinn til útlanda. T.d. um næstu helgi.

Posted July 23rd, 2005. Filed under Uncategorized

Ef allir dagar væru eins og í dag myndi ég fara sjaldnar til útlanda. Og hugsa minna til útlanda.

Sól

Posted July 23rd, 2005. Filed under Uncategorized

Það er sól! og hlýtt! Vá…
Búinn að liggja í sólbaði meira eða minna og held því áfram. Það var fyrir svona daga sem ég flutti í Fossvoginn og eignaðist garð. Einhver óþekktur vinnufélagi minn hafði fyrir því í gær að setja upp þessa skemmtilegu ræmu Ég sé fyrir mér frægð og frama fyrir okkur Kanslarann í Hollývúd.

Allt orðið eðlilegt á ný.

Posted July 22nd, 2005. Filed under Uncategorized

Ástralir settu í venjulega gírinn í dag, 279 hlaup, og eru 314 yfir. Aumingja Englendingar… þeir sem byrjuðu svo vel.
Þetta gæti orðið sorgarsumar. Og þó.
Þvílík bongóblíða. Það er ekki oft sem ég opna kalda hvítvín til að súpa út’á svölum. En núna ætla ég í Berserkjakjallarann.

Hasar!

Posted July 21st, 2005. Filed under Uncategorized

Ert’ekk’að grínast. Englendingar rúlla upp ‘ströllunum í fyrstu lotunni, 190 hlaup og hrynja svo sjálfir eins og haustlauf í roki. Og svo hættir allur hasar um leið og ég kem heim. Ég held að menn hafi eitthvað misskilið þetta og haldið að þetta sé einsdagsleikur. Og Pietersen er barasta að standa sig.

Tom Lehrer

Posted July 20th, 2005. Filed under Uncategorized

Tom! Lehrer! á myndbandi! á vefnum! hérna!
*squeeeee*

Harry Potter

Posted July 16th, 2005. Filed under Uncategorized

Náði mér í frátekinn Potter í Eymundsson kl 10 í morgun. Þeir áttu ófráteknar bækur, ólíkt síðast þegar ég kom eitthvað um hálfeitt um nóttina, allt búið.
En alla vega, bókin er bara ágæt, skemmtilegri en OotP. Smelli kannske spoilerum inn í komment hér á eftir, ykkur er velkomið að gera sama.

Að taka sénsinn

Posted July 14th, 2005. Filed under Uncategorized

Þeir tóku sénsinn. Pietersen er í liðinu. “Erfiðasta ákvörðun sem ég hef tekið þátt í” sagði Graveney, formaður valnefndarinnar. Djarfasta val lengi í enska landsliðinu. Vona að strákurinn standi sig.
Fjölnir-Víkingur í kvöld upp í sveit. Tek Berserkjarútuna til að vera viss um að rata á leikinni

"breskir ríkisborgarar"

Posted July 13th, 2005. Filed under Uncategorized

Vill einhver útskýra fyrir mér hvenær talað er um menn fædda í Bretlandi sem ‘breska’ og hvenær sem ‘breska ríkisborgara’.
500 bónuspunktar fyrir hvern þann sem getur komið með skýringu sem ekki byggir á húðlit, trú og uppruna foreldra.
Og já, fyrir þá sem ekki sáu forsíðu Moggans í morgun, þá voru “Tilræðismennirnir breskir ríkisborgarar”
Þetta er fyrir neðan allar hellur.

Árás að innan

Posted July 13th, 2005. Filed under Uncategorized

Skyldi Björn ‘stríðsherra’ Bjarnason vilja taka á málum núna og uppræta hryðjuverkaógnina “með vestrænni hervæðingu” og bomba Leeds?
Ef svo er, væri nokkuð hægt í leiðinni að missa eins og eina niður á Elland Road?

Samstaða

Posted July 12th, 2005. Filed under Uncategorized

Það er gaman að sjá að bandaríski herinn í Bretlandi sýndi samstöðu með íbúum Lundúna eftir fimmtudaginn og átaki þeirra í að koma borginni á kjöl sem allra allra fyrst…
…með því að banna hermönnum og starfsliði sínu að ferðast til Lundúna. Banninu var loksins aflétt í dag.
Orð fá varla lýst fyrirlitningu minni.

Hefði betur þagað.

Posted July 11th, 2005. Filed under Uncategorized

Ástralir rúlluðu þessu upp í gær og Pietersen var slakur. En öskurnar verða samt spennandi.

Stóra enska íþróttaspurningin.

Posted July 9th, 2005. Filed under Uncategorized

Eftir að London fékk Ólympíuleikana, Gerrard ákvað að vera áfram (næsta árið) og Alsvartir rúlluðu upp bresku og írsku ljónunum 21-3, 48-18 og 38-19 núna í morgun (svo er bara að vona að þeir haldi sér í formi fram að HM’07, Daniel Carter!!!vúaaah!) þá er bara ein spurning eftir sem brennur á enskum íþróttaunnendum:
Thorpe eða Pietersen.
Thorpe er búinn að vera meginstoð Englendinga í gegnum árin, þykkt og þunnt og oftar en ekki verið eini stjörn kylfingurinn þeirra en er núna að nálgast efri ár, er þó eins og þarna kemur fram í fantaformi þó oft sé spurning um heilsuna.
Pietersen er á hinn bóginn nýja eins dags stjarnan, rústaði Suður-Afríku í vetur, átti þrusu innu (inna (kvk) þýðing á enska orðinu ‘innings’) fyrr í sumar gegn Áströlum en fékk ekki að komast að á fimmtudaginn þegar England rúllaði yfir Ástrali án þess að missa nema eina vikku.
Nassar Hussain, fyrrum fyrirliði Englands, benti á hið augljósa þegar hann sagði á fimmtudaginn að við kæmumst að því einhvern tímann næsta árið hvort Pietersen ætti erindi í fimmdaga landsliðið. En það er ekki málið, spurningin er hér og nú.
Til að gera þetta allt flóknara þá verður þetta mest spennandi Öskusería í mörg mörg ár. England er með besta lið sem ég man eftir, kastarar á heimsmælikvarða og hver þrusukylfinginn á fætur öðrum og Thorpe á fullt erindi þar inn. Ef hann er heill.
Það er bara eitt atriði sem gerir útslagið fyrir mig að ég vil sjá Pietersen koma inn, a.m.k. í öðrum leik. Hann er Suður-afrískur. Ef hann væri þvottekta Tjalli er auðvelt að sjá fyrir sér svona Henman dæmi, bjarta enska vonin kemur, sér og gerir í brækur. En þannig bara verður það ekki með Pietersen, hann er ekki búinn að vera nema nokkur ár í Englandi, ekki nóg til að átta sig á að enska leiðin er lúser-hetjan.
Nema nátt’lega stöku menn eins og Ian Botham.
Eins dags leikur á morgun og svo byrjar alvaran 21. júlí.

Ed McBain

Posted July 8th, 2005. Filed under Uncategorized

Allar aðrar fréttir féllu í skuggann í gær, en ég get ekki sleppt að minnast þess að Ed McBain er látinn, dó á miðvikudaginn. Ætli hann eigi ekki eins og einn hillumetra hjá mér.

Allir heilir

Posted July 7th, 2005. Filed under Uncategorized

Held ég sé búinn að heyra frá flestum ef ekki öllum vinum mínum í London. Það er gott, allir heilir á húfi so far.

Af KR vefnum:

“Öruggir áfram, fögnum í Víkinni,” stóð í dreifimiða sem Berserkir, stuðningsmenn Víkinga, báru í hús daginn fyrir leik. Árið 1949 auglýstu Víkingar “… klukkan 8.30 í kvöld verða Víkingar meistarar eftir 25 ára baráttu ..” Það gekk heldur ekki eftir því Víkingar töpuðu fyrir Val og KR varð meistari eftir sigur á Fram í aukaleik um titilinn. Víkingar þurftu að bíða í önnur 32 ár eftir titlinum.

Ójá. Þetta var nefnilega svo sambærilegt. Við félagarnir höfðum þó nokkuð fyrir því að hugsa upp fyndna og bjartsýna fyrirsögn sem ekki væri nokkur leið að taka alvarlega. Spilamennskan á mánudag fór nefnilega fram úr okkar björtustu vonum, þó að úrslitin hafi veri súr. En að reyna að ýja að því að þetta hafi verið vanmat eða grobb er bara svo stjarnfræðilega fyndið. Ef það er eitthvað sem Víkingar kunna ekki þá er það bjartsýni.

Ræktin

Posted July 6th, 2005. Filed under Uncategorized

Þvældi mér í ræktina í morgun. Annars er ég andlaus og máttlaus. Er búinn að bóka næstu utanlandsferð, mæti á Clarecraft eins og svo oft áður. Var reyndar að spá í að sleppa því, en lét undan sjálfum mér. Fjórir dagar í tjaldi, vonandi rignir ekki. Nú rata ég allavega á pöbbinn. Ágætt að finna út úr því fimmta skiptið sem ég fór.
Fer ég of oft til útlanda? Á reyndar alltaf eftir að efna loforð um að fara með mömmu til Prag. Eitthvað til að hugsa um í haust.

Ótrúlegt

Posted July 4th, 2005. Filed under Uncategorized

Þetta var svo ótrúlega ósanngjarnt. Við yfirspiluðum KR frá 25. mínútu gegnum allan leikinn og í framlengingunni.
Og mér hefur alltaf fundist ótrúlega sárt að tapa í vítakeppni í sjónvarpinu. Þetta var milljón sinnum verra.
Við hljótum að fara upp þegar við spilum svona restina af sumrinu