Uppgjörið

Posted July 18th, 2010. Filed under fótbolti HM 2010

Heimsmeistarakeppnin er búin og kaldur raunveruleikinn tekinn við. Þá er ekki annað eftir en að gera upp keppnina eftir að hafa trassað það alla vikuna.
Heimsmeistarakeppnin 2010 var ekki frábær. Það er víst alveg ljóst. En hvenær er hún það? Eftir að hafa séð hina og þessa umræðuhalana er ljóst að keppnin sem hver og einn sá á aldrinum 10-14 ára, þ.e.a.s. fyrsta keppnin sem lítill fótboltaáhugamaður fylgist með af fullri einbeitingu er besta keppnin. Reyndar í mínu tilviki er það frekar ’86 en ’82, en þetta heldur nokkuð vel. Meira að segja Italia’90 sem almennt er talin leiðinlegasta og versta keppnin frá upphafi hefur fengið prik í umræðunum.
Mitt mat er að þrátt fyrir arfaslaka byrjun og frekar leiðinlega riðlakeppni hafi útstláttarkeppnin verið ein af þeim betri og keppnin í heild líklega sú besta síðan ’94. Fáar vítakeppnir, og hörkuleikir.
Og svo kom úrslitaleikurinn. Holland, mitt Holland, óboj. Búinn að bíða eftir svona gengi Hollendinga í mörg ár, smá von ’98 en annars aldrei neitt. Og loksins þegar svona vel gekk þá var það gert svona. Þetta er eins og að komast á deit með, tja, Elle McPherson eftir að hafa dáðst að súpermódelinu í mörg ár og komast að því að hún sé andfúl, heimsk og leiðinleg.
Ófáir pixlar hafa farið undir staðhæfingar um að Spánverjar séu hreinlega leiðinlegir að horfa á, skori lítið af mörkum etc og ekki síður færri pixlar undir gagnrök.
Það er nefnilega eitt af því skemmtilegasta við þessa keppni að blogg og twitter hafa gert hana að mestu internetHM allra tíma. Gæði sumra HM-bloggana voru stórfengleg. Og þau hafa haft svigrúm til að ræða hluti eins og ‘Spánverjar eru leiðinlegir’ á dýpri og betri hátt en dagblöð hafa nokkurn tímann getað fjallað um keppnina.
Sjálfur viðurkenni ég að það hefði stundum getað verið meira spennandi að horfa á Spánarleikina en það er að mestu vegna þess að leiðin til að spila móti Spáni er, nema landið sé Chile, að pakka í vörn, leyfa Spánverjum að eiga miðjuna og vona að veggurinn haldi. Og það tókst ekki.
Einfalda niðurstaðan er: Besta liðið á HM vann mótið.
Að öðru leyti er ég mjög ánægður með niðurstöðurnar, skemmtilegasta liðið hlaut þriðja sætið og hreif alla, nema umboðsmann Michael Ballack1. Besti leikmaður mótsins að mínu mati hlaut gullboltann og skemmtilegasti maður mótsins gullskóinn.
Það segir samt söguna um hvað lítið var um að einstaklingar sköruðu fram úr að lið mótsins sem maður hefur séð valin eru oft mjög mismunandi, sér í lagi í vörninni. Það er hreint stórfyndið að sjá að lið mótsins valið af gestum á fifa.com er með þrjá hægri bakka. Wisdom of crowds hvað?
Engir tveir hafa líka sama markmann, Casillas oftar en aðrir, líklega aðallega útaf medalíunni.
Lýk þessu með að vísa í nokkrar greinar um keppnina sem eru alveg þess virði að lesa

Tom Humphries vill meina að Fifa hafi misnotað Suður Afríku
Forsíður blaða um víða veröld meðan á HM stóð

Cynical challenge fannst bresku þulirnir slakir og Two Hundred Percent hakkar þá í sig líka og
vill líka breytingar á fótbolta í sjónvarpi

Telegraph velur bestu mörk keppninnar

Tölfræðinördar Opta með þrjátíu staðreyndir

Run of Play hafnar því að HM hafi verið leiðinlegt
Guardian (besta fótboltaumfjöllun nokkurs ensks blaðs) skríbentar dæma HM
Left back in the changing room um HM

Ghost Goal velur lið keppninar og Equaliser líka

Og loksins smá um taktík:
Hvað verður um 4-4-2
Yfirlit yfir taktík á HM frá Back Page Football
og annað frá Tom Willliams
Zonal Marking greinir úrslitaleikinn í fjórum greinum: 1, 2, 3 og 4


1Ef þýska liðið spilar hommabolta, þá er spurning hvort maður þurfi að fara að kíkja á leiki hjá Strákafélaginu Styrmi….

Lokadagurinn

Posted July 11th, 2010. Filed under fótbolti HM 2010

Á síðasta degi á fríi í útlöndum erum við oftast búin að fá nóg, búin að njóta þess vel og alveg tilbúin að fara heim.
Hvernig eru tilfinningar á síðasta degi HM? Ekki alveg ósvipaðar, nema hvað að hápunkturinn er eftir. Stærsti dagur í lífi 28 manna, 31 ef þú telur dómarana. Stærsti dagur allra hollenskra knattspyrnumanna sem ekki muna 1978, stærsti dagur allar spænskra knattspyrnuáhugamanna, nema jú auðvitað einhvers (stórs?) hluta baska og katalóna.
Og ég? Veit ekki. Hlakka minna til en ég hélt, líklega aðallega af því ég get ekki haldið með Hollandi eins og mig langar til. Og svo er það líka Víkingur – KA núna klukkan tvö sem þarf að klára.
Undanúrslitaleikirnir voru ekki bestu leikir keppninnar, ekki í fyrsta skipti, en þó frekar spennandi. Holland vann Úrúgvæ nokkuð örugglega, þó að síðustu mínúturnar væru spennandi hafði Úrúgvæ misst niður leikinn næsta kortérið á undan og fór sem fór. Flott mörkin hjá Forlan og sérlega van Bronckhorst, en rangstöðufnykur af marki Sneijder.
Spánverjar héldu svo boltanum á móti Þjóðverjum og náðu á endanum sigri. Þjóðverjarnir söknuðu Müller en sigurinn var sanngjarn. Raddir hafa heyrst um að leiðinlegt sé að horfa á Spán af því þeir haldi bara boltanum og séu bitlausir. Mesta bull, það. Þeir eru auðvitað langbesta lið í að halda boltanum og að senda á milli, en til að það gangi þarf hvort tveggja, frábæra sendingamenn en ekki síður þurfa menn alltaf að vera lausir og bjóða sig til að hægt sé að senda á þá. Það er ekki skrýtið þó liðin sem spili á móti þeim, nú eða Barcelona, spili stífan varnarleik og reyni, stundum með árangri að halda Spánverjum fyrir utan.
Leikurinn um þriðja sætið í gær var frábær skemmtun, einn skemmtilegasti leikur mótsins, minna stress og meiri bolti. Það hefði verið snilld ef aukaspyrna Forlan á síðustu mínútu hefði endað inni, en Þjóðverjar áttu bronsið skilið. Forlan og Müller eru líklega tveir bestu menn mótsins.
En þá er ekkert eftir nema úrslitaleikurinn. Hann fer auðvitað 1-0, og það verða Spánverjarnir sem taka þetta. Því miður er of mikið í húfi, þannig að úrslitaleikur HM er oftast aldrei mjög opinn og skemmtilegur, en spennandi verður þetta!

Úrúgvæ – Holland

Posted July 6th, 2010. Filed under fótbolti HM 2010

Eins og ég hef áður tæpt á þá er áratugastuðningur minn við Hollendinga veikur í ár. Ég held að þegar á hólminn verði komið muni ég styðja Úrúgvæ. Það yrði engu að síður ekkert slæmt við að sjá Hollendinga í úrslitum þannig að ég er bara rólegur fyrir kvöldið, það er ekki eins og t.d. 2002 þegar tradisjónalistanum í mér (nú eða fordómafulla Vestur-Evrópubúanum) hraus hugur við tilhugsuninni um Tyrkland – Suður-Kóreu í úrslitum. Spái enda Hollendingum naumum sigri, það verður á endanum sú vörn sem gerir færri mistök sem fleytir liðinu sínu áfram:
Fyrri leikir:
Úrúgvæ – Frakkland 0-0: Guardian report Telegraph report Independent report Zonal Marking report Equaliser report 200 percent report Wikipedia report
Suður Afríka – Úrúgvæ 0-3: Guardian report Telegraph report Independent report Equaliser report Wikipedia report
Mexíkó – Úrúgvæ 0-1: Guardian report Telegraph report Independent report Zonal Marking report 200 percent report Wikipedia report
Úrúgvæ – Suður Kórea 2-1: Guardian report Telegraph report Independent report Zonal Marking report Wikipedia report
Úrúgvæ – Ghana 5-3: Guardian report Telegraph report Independent report Zonal Marking report 200 percent report Wikipedia report

Holland – Danmörk 2-0: Guardian report Telegraph report Independent report Zonal Marking report Equaliser report 200 percent report Wikipedia report
Holland – Japan 1-0: Guardian report Telegraph report Independent report Zonal Marking report 200 percent report Wikipedia report
Kamerún – Holland 1-2: Guardian report Telegraph report Independent report 200 percent report Wikipedia report
Holland – Slóvakía 2-1: Guardian report Telegraph report Independent report Zonal Marking report 200 percent report Wikipedia report
Holland – Brasilía 2-1: Guardian report Telegraph report Independent report Zonal Marking report 200 percent report Wikipedia report

Leikir síðasta laugardags

Posted July 6th, 2010. Filed under fótbolti HM 2010

Var aldrei búinn að hafa mig í að skrifa um síðasta laugardag, þessir leiklausu dagar liðu alltof fljótt!
Þó ekki jafnaðist alveg á við föstudaginn, þá sá laugardagurinn um að þessi fjórðungsúrslit eru örugglega þau viðburðaríkustu í sögunni. Segi það og stend við það

Argentína-Þýskaland

Thomas Müller skoraði strax á þriðju mínútu og setti Diego greyið í uppnám. Þjóðverjarnir nutu marksins allan hálfleikinni, voru betri án þess að sýna of mikið, en Argentína komst ekki inn í leikinn. Seinni hálfleikur var fjörugur framan af en Þjóðverjar gerðu verskuldað út um hann með tveim mörkum um miðjan hálfleik, fyrst Klose, svo Friedrich, bæði mörkin eftir fallegar sóknir sem sýndu getu Þjóðverjanna og þá aðallega Müller og Schweinsteiger. Sá fyrrnefndi fékk reyndar guld fyrir hendi sem engin var og missir af undanúrslitunum. Klose rak síðan smiðshöggið á glæsilegan sigur rétt fyrir leikslok og er tveim mörkum frá meti Ronaldo. Frábær leikur!

Paragvæ – Spánn

Fyrirfram og eftirá ætlaður minnst spennandi leikur umferðarinnar. En dramað lét ekki á sér standa og kom allt á um þriggja mínútna kafla í seinni hálfleik. Paragvæ fékk réttilega víti, Pique reyndi að toga hendina af Cardozo einhverra hluta vegna. Casillas varði slakt víti Cardozo sem hefur reyndar verið mjög öflugur frá punktinum með Benfica í vetur. Innan við tveim mínútum síðar fékk Spánn víti. Alcaraz hljóp Villa niður aftan frá, eina ástæðan fyrir að dómari gaf ekki rautt hlýtur að hafa verið einhvers konar sárabót fyrir að Paragvæ var búið að klúðra víti. Alonso skoraði úr vítinu en dómarinn lét endurtaka þar sem nokkrir Spánverjar voru komnir vel inn í teig. Það var óskiljanlegra fyrir það að í víti Paragvæ voru mun fleiri Spánverjar í teignum og Paragvæ hefði því hiklaust átt að fá að endurtaka. Úr endurteknu víti varði Villar vel, missti boltann frá sér og felldi Fabregas þegar báðir reyndu að komast í boltann. En dómarinn klikkaði enn og heyktist á að dæma á það.
Annað var það ekki, nema að pressa Spánverja fékk að lokum verðlaun, Villa setti boltann í báðar stangir og inn og Spánn kemst áfram, ekki þó sannfærandi.

Hvílíkur dagur, hvílíkt drama

Posted July 3rd, 2010. Filed under fótbolti HM 2010

Dramatískasti dagur þessarar keppni, og þó leitað sé langt aftur var í gær.

Holland – Brasilía

Í hálfleik var ekkert sem benti til annars en öruggs brasilísks sigurs. Tvöhundruðprósent birtir leikskýrsluna eins og hann var byrjaður að skrifa hana í hálfleik og það segir allt. 1-0 var virkilega vel sloppið frá hálfleiknum, sending Felipe Melo á Robinho alger rústun á hollensku vörninni og snyrtilegt mark niðurstaðan. Markvarsla Stekelenburg á snilldarskoti Kaká verður seint vanmetin út frá því sem síðar gerðist. Og það sem gerðist var alger bráðnun í brasilíska liðinu. Michel Bastos átti að fá sitt annað gula spjald í leiknum fyrir allt of seina tæklingu á Robben. Eina ástæðan fyrir að það varð ekki var að Robben flaug aðeins of laglega á hausinn. En úr aukaspyrnunni ákvað andi Waldir Perez að taka sér bólfestu í líkama Júlio César og fara í glórulaust úthlaup, og trufla Felipe Melo nægilega til að sá síðarnefndi skallaðiinn. Ef ekki fyrir það hvað sú keppni er hörð væri þetta öruggur sigurvegari klaufalegasta marks keppninnar. Vörn Brasilíu ákvað síðan að Wesley Sneijder fengi að skora fyrsta mark sitt með skalla á ferlinum, hlægileg dekkning í horni.
Nú voru Brassar alveg búnir að missa það, allt fór í taugarnar á þeim og Felipe Melo ákvað að traðka á lærinu á Arjen Robben eftir að hafa fyrst sparkað hann niður. Nú eru svo sem fáir leikmenn leiðinlegri en Robben en ef þú ætlar að fá rautt fyrir viljandi líkamsárás þá er kannske spurning um að gera það á áhrifaríkari hátt. Hárrétt rautt og spurning hvort Felipe Melo fer eitthvað heim til Brasilíu á næstunni.
Leikurinn eftir þetta var hálfgerð vitleysa. Brassar brjálaðir yfir öllum smáatriðum hvort sem var með eða móti þeim. Það var virkilega fyndi að sjá Robinho missa sig yfir meintum leikaraskap Robben, sem var klárlega ekki leikur, en margur heldur mig sig. Einn af þeim leikmönnum sem er meira pirrandi en Robben er augljóslega Mark van Bommel, og hann var heppinn að sleppa við gult í leiknum, og hefði jafnvel mátt fá tvö. Glórulausar tæklingar og spörk út um allt á lokamínútum.
Sanngjarn sigur Hollendinga þegar öllu er á botninn hvolft!

Úrúgvæ – Gana

Ef fyrri leikurinn var dramatískur þá skrúfaði sá síðari það upp í 11.
Úrúgvæ byrjuðu mun betur og sóttu vel framan af hálfleik en síðan tóku Ganverjar völdin og skoruðu þegar mínúta og fjörutíu sekúndur voru komnar framyfir venjulegan leiktíma, tveimur mínútum var bætt við. Markið hjá Muntari sérlega glæsilegt skot utan af velli.
Slæmur tími til að fá á sig mark en Úrúgvæarnir létu þetta ekki slá sig út. Besti maður þeirra, Diego Forlan jafnaði úr aukaspyrnu utan af vinstri kanti, annað glæsimark leiksins. Leikurinn var síðan jafn það sem eftir var og alla framlenginguna, en síðustu mínútur framlengingarinnar sóttu Ganverjar ákaft. Á síðustu mínútunni kom aukaspyrna inn á teiginn, Kevin-Prince Boateng skallaði áfra, Appiah og Adiyiah voru þá báðir rangstæðir, annar Ganverji fór upp með Muslera og boltinn barst til Appiah, sem var orðinn réttstæður þegar síðari skallinn kom en hagnaðist greinilega á rangstöðunni. Skot Appiah fór í hné Suárez sem var kominn á marklínuna, boltinn fór út aftur og Appiah skallaði að marki og í þetta skipti blakaði Suárez boltanum af marklínunni, víti og rautt spjald. Gyan þrumaði hins vegar í slána og yfir og milljón umræður um hversu mikill skíthæll og svindlari Luis Suárez er upphófust.
Það var eiginlega viðbúið að Gana tapaði vítakeppninni. Mensah og Adiyiah tóku arfaslök víti sem Muslera varði. Það bjargaði ekki að Maxi Pereira þrumaði himinhátt yfir, Panenkavíti Abreu gerði út um leikinn.
Þetta er keppni hinna umdeildu ákvarðana og siðferðilegu spurninga. Það er án nokkurs vafa að ekkert af því sem gerðist á þessari lokamínútu var ekki eftir reglanna hljóðan, jú nema ef vera skyldi að dæma hefði átt rangstöðu. Það er hins vegar enn á ný kór þeirra sem vilja á einhvern hátt breyta reglunum. Í rúgbý má dæma ‘penalty try’ ef snertimark er haft af liði með leikbroti. Á að dæma mark ef boltinn er örugglega á leiðinni inn? En ef markmaður fellir mann sem er að komast fram hjá honum? Hvenær hindrar maður mark og hvenær hindrar maður ekki mark?
Manuel Neuer benti ekki dómaranum á að boltinn var langt innfyrir línuna og Luis Fabiano harðneitaði við dómarann að hafa handleikið boltann. Eru þeir ekki hvorir tveggja mun meiri svindlarar og óheiðarlegir skíthælar?
Uppröðun leikja eftir fyrri dag fjórðungsúrslita
En í dag eru tveir leikir.

Argentína – Þýskaland

Þetta verður svakaleikur! Ekki síðri hasar en í gær. Spái Argentínu 3-2 sigri, hugsanlega í framlengingu. Tilhlakk!!
Argentína – Nígería 1-0: Guardian report Telegraph report Independent report Zonal Marking report 200 percent report
Argentína – Suður Kórea 4-1: Guardian report Telegraph report Independent report Zonal Marking report Equaliser report 200 percent report
Grikkland – Argentína 0-2: Guardian report Telegraph report Independent report 200 percent report
Argentína – Mexíkó 3-1: Guardian report Telegraph report Independent report Zonal Marking report 200 percent report

Þýskaland – Ástralía 4-0: Guardian report Telegraph report Independent report Zonal Marking report Equaliser report 200 percent report
Þýskaland – Serbía 0-1: Guardian report Telegraph report Independent report Zonal Marking report Equaliser report
Ghana – Þýskaland 0-1: Guardian report Telegraph report Independent report Zonal Marking report 200 percent report
Þýskaland – England 4-1: Guardian report Telegraph report Independent report Zonal Marking report Equaliser report

Paragvæ – Spánn

Allt annað en yfirgangur Spánverja mun koma öllum á óvart. Ætla það ekki, Spánn tekur þetta 2-0.
Ítalía – Paragvæ 1-1: Guardian report Telegraph report Independent report Zonal Marking report 200 percent report
Slóvakía – Paragvæ 0-2: Guardian report Telegraph report Independent report
Paragvæ – Nýja Sjáland 0-0: Guardian report Telegraph report Independent report 200 percent report
Paragvæ – Japan 1-0: Guardian report Telegraph report Independent report

Spánn – Sviss 0-1: Guardian report Telegraph report Independent report Zonal Marking report Equaliser report 200 percent report
Spánn – Hondúras 2-0: Guardian report Telegraph report Independent report Equaliser report 200 percent report
Chíle – Spánn 1-2: Guardian report Telegraph report Independent report Equaliser report
Spánn – Portúgal 2-0: Guardian report Telegraph report Independent report Zonal Marking report Equaliser report 200 percent report

Leikirnir í dag verða hörku…

Posted June 30th, 2010. Filed under fótbolti HM 2010

ha?
f00000000000000000000000000kkkkkkkkkkkkk.
Fyrsti vinnudagur eftir háemmfrí.
Eins og 2nd Yellow segir: Real Life 2 – Bliss 0.
Report um leiðinlegasta leik HM og varnarleik Portúgala kemur í kvöld, getið lesið Equaliser og Zonal Marking í staðinn

Magnaður mánudagur? Nei…

Posted June 29th, 2010. Filed under fótbolti HM 2010

Sorrí sorrí. Ég vakti falsvonir. Brasilía rústaði Chile. Chile var hreinlega ekki með mannskapinn í þetta. Eru Brassar að fara að rúlla þessu upp. Er þetta allt fyrirséð? Eru þeir langbestir? eða er hægt að vonast til að þeir hafi bara ekki mætt nægilegri mótspyrnu. Þeir taka held ég alveg örugglega Niðurlendinga auðveldlega næst…
Horfði á Holland – Slóvakíu á Hvítu perlunni og gat dáðst að enska þulnum. Það lá við maður bæði þá um að skipta yfir á AddaBjözz. Slóvakar stóðu fantavel í Hollendingum, áttu stóran hluta leiksins og klúðruðu gullnum færum. En ef maður trúði þulnum þá voru þeir þarna bara til að Hollendingar yrðu ekki einmana á vellinum. Magnað.
Uppröðun útsláttarkeppni eftir þriðja dagNema hvað.

Japan – Paragvæ

Ekki spenntur fyrir þessu? jújú, komaso… Japan rústaði Dönum, Honda þarf að setja í fimmta gír* og Paragvæ getur séð til þess að helmingur þjóðanna í fjórðungsúrslitum verði frá Suður Ameríku? Svo fer þetta eitt núll fyrir Paragvæ! Hvað gæti verið meira spennó?

Spánn – Portúgal

Já þú meinar? Þessi leikur. Já það er heppileg uppröðunin í dag, Íberíuskagauppgjörið á primetime. Húbba! Það skemmtilegasta við þennan leik væri samt að horfa á hann með Liverpool manni sem slefar yfir því í hvert skipti sem Torres snertir boltann eða dettur um sjálfan sig. Búinn að vera arfaslakur. Þetta fer 2-0. Held ég. Eða eitt núll. Eða fjögur þrjú. Eða geimverur nema dómarann á brott. Nei annars, ég efast um að Portúgalir komi boltanum í netið. Ronaldo þyrfti að fara í kennslu hjá Carlos Salcido í að halda Jabulaninum undir slánni.


*Sástu hvað ég gerði þarna?? Ha??

… þá veit ég ekki til hvers í ósköpunum þú horfir á fótbolta.
Brasilía er Brasilía, reyndar ekki besta brasilíska lið allra tíma, en alveg í næsta þrepi fyrir neðan þau bestu. Chile er með mest taktískt þenkjandi þjálfarann, og skruggu gott lið. Reyndar þrjá menn í banni, en fá til baka tvo sterka miðjumenn, Carmona og Fernández til baka úr banni (já þeir spila svolítið fast, voruð þið líka búin að taka eftir því?)
Brassar fá Kaká úr banni, Elano úr meiðslum og Robinho var hvíldur gegn Portúgal. Vörnin hjá þeim er ekki eins slök og vörn Argentínu, en ekki neinn veggur heldur þannig að Brassar taka þetta 2-1 (4-0 ef línuverðirnir verða eins og í gær) en þetta verður massíft.
Brasilía – Norður Kórea 2-1: Guardian report Telegraph report Independent report Zonal Marking report 200 percent report
Brasilía – Fílabeinsströndin 3-0: Guardian report Telegraph report Independent report Equaliser report
Portúgal – Brasilía 0-2: Guardian report Telegraph report Independent report Zonal Marking report 200 percent report

Hondúras – Chíle 0-1: Guardian report Telegraph report Independent report Zonal Marking report
Chíle – Sviss 1-0: Guardian report Telegraph report Independent report Zonal Marking report 200 percent report
Chíle – Spánn 1-2: Guardian report Telegraph report Independent report Equaliser report

Holland – Slóvakía

Núna klukkan tvö er Holland – Slóvakía. Ég get ekki innra með mér glaðst eins mikið yfir góðu gengi Hollendinga og alltaf áður. Það er eitthvað við einstaklingana í liðinu sem heillar ekki. En ætli ég verði ekki að halda með þeim? Eitt núll. Það liggur við að ég sé spenntari að sjá hvort Japanir verði ferskir á morgun en Slóvakar unnu Ítali mjög sannfærandi í skemmtilegum leik, það væri ekkert slæmt að fá annan þrjú tvö leik.
Holland – Danmörk 2-0: Guardian report Telegraph report Independent report Zonal Marking report Equaliser report 200 percent report
Holland – Japan 1-0: Guardian report Telegraph report Independent report Zonal Marking report 200 percent report
Kamerún – Holland 1-2: Guardian report Telegraph report Independent report 200 percent report

Nýja Sjáland – Slóvakía 1-1: Guardian report Telegraph report Independent report Equaliser report
Slóvakía – Paragvæ 0-2: Guardian report Telegraph report Independent report
Slóvakía – Ítalía 3-2: Guardian report Telegraph report Independent report Zonal Marking report 200 percent report

Ég spáði réttum þjóðum áfram en þetta fór aðeins öðruvísi en ég bjóst við.
England liggur í sárum eftir gærdaginn. Sorpblöðin og sumir aðrir kalla eftir afsögn Capello og fá hana eflaust, en þeir sem hugsa dýpra ganga svo langt að reyna að benda á leik Englands við Ungverja 1953 og kalla eftir gagngerum uppskurði á enska kerfinu. Enda ekki nema von, meinið er að finna í allri þjálfun í Englandi frá yngstu flokkum og uppúr. Boltatækni er ekki til. Það verður að segja ensku pressunni til smá hróss að þeir eru ekki að velta sér of mikið upp úr hrikalegri dómgæslu aðstoðardómarans, enda var yfirspilunin slík að það er aukaatriði. Þjóðverjar eru hins vegar svolítið glaðir yfir henni. (biðst smá afsökunar fyrir að tengja á Bild…)
Mexíkanar mega hins vegar vera aðeins súrari yfir jafn hrottalegum mistökum í þeirra leik. Fram að því að Tevez skoraði eitt mesta rangstöðumark sem ég hef séð lengi höfðu þeir haft yfirhöndina í leiknum. Osorio ákvað síðan að gefa Higuain annað mark og það var lítið við því að gera. Í seinni hálfleik skoraði síðan Tevez gull af marki og leikurinn hefði átt að vera búinn. Litla baunin Javier Hernandez vissi hins vegar að ég var búinn að spá honum marki og hlýddi mér. Mexíkó sótti þó nokkuð og voru betri það sem eftir var og hefðu fyllilega átt skilið að minnka muninn en það fór sem fór.
Sókn Argentínu heldur því áfram að brillera og vörnin er brothætt. Þýskaland – Argentína verður vonandi frábær leikur!

Úrúgvæ, Ghana og leikir dagsins

Posted June 27th, 2010. Filed under fótbolti HM 2010

Bara fínir leikir í gær.
Að hluta til má segja að Úrúgvæ hafi ekki verið það sannfærandi, þeir drógu sig þó nokkuð til baka eftir markið og síðustu 10 mínúturnar í fyrri hálfleik og langt fram eftir seinni voru Kóreumenn mun meira með boltan og sóttu vel. Jöfnunarmarkið því fyllilega verðskuldað. Úrúgvæ samt sterkara liðið og sýndi það með góðu sigurmarki. Lee Dong-gook hefði átt að jafna undir lokin kominn inn fyrir, en slakt skotið fór beint á markvörðinn. Rétt að minnast á að kóreanski markmaðurinn átti alla sök á fyrra marki Úrúgvæ, þó vissulega hefði Suarez þurft mikla tækni til að koma skotinu á markið langt utan af kanti, og síðan átti Muslera sök á marki Suður Kóreu, mjög hikandi. Ekki góður leikur fyrir þá.
Bandaríkjamenn guldu í seinni leiknum fyrir að fá á sig mörk strax í upphafi, fyrst í venjulegum leiktíma og síðan í framlenginunni. Góður sigur Gana og verðskuldaður.
Uppröðun útsláttarkeppni eftir fyrsta dagEn að leikjum dagsins.

Þýskaland – England

Enska sorppressan er enn að heyja seinni heimsstyrjöld, líklega af því að það var í síðasta skipti sem Bretland skipti einhverju máli. Enska liðið loksins komið á hreint, óbreytt frá síðasta leik enda sá langskásti. Ef þetta fer í víti munu Englendingar vinna, en ég hef trú á Þjóðverjum, eitt – núll.
Fyrri leikir:
Þýskaland – Ástralía 4-0: Guardian report Telegraph report Independent report Zonal Marking report Equaliser report 200 percent report
Þýskaland – Serbía 0-1: Guardian report Telegraph report Independent report Zonal Marking report Equaliser report
Ghana – Þýskaland 0-1: Guardian report Telegraph report Independent report Zonal Marking report 200 percent report

England – Bandaríkin 0-0: Guardian report Telegraph report Independent report Zonal Marking report Equaliser report 200 percent report
England – Alsír 0-0: Guardian report Telegraph report Independent report Zonal Marking report Equaliser report 200 percent report
Slóvenía – England 0-1: Guardian report Telegraph report Independent report Zonal Marking report Equaliser report 200 percent report

Argentína – Mexíkó

Argentína hefur stimplað sig inn eins og ég bjóst við, og teljast bara nokkuð líklegir að hirða dolluna. Þeir verða sterkari, 2-1 en vörnin er sem fyrr vandinn og Javier ‘litlabaun’ Hernandez tekur Demichelis í nefið þegar hann skorar..

Argentína – Nígería 1-0. Umfjallanir: Guardian report Telegraph report Independent report Zonal Marking report 200 percent report
Argentína – Suður Kórea 4-1. Umfjallanir: Guardian report Telegraph report Independent report Zonal Marking report Equaliser report 200 percent report
Grikkland – Argentína 0-2. Umfjallanir: Guardian report Telegraph report Independent report 200 percent report

Suður Afríka – Mexíkó 1-1. Umfjallanir: Guardian report Telegraph report Independent report Zonal Marking report Equaliser report 200 percent report
Frakkland – Mexíkó 0-2. Umfjallanir: Guardian report Telegraph report Independent report Zonal Marking report Equaliser report 200 percent report
Mexíkó – Úrúgvæ 0-1. Umfjallanir: Guardian report Telegraph report Independent report Zonal Marking report 200 percent report

Önnur umferð – fyrsti dagur

Posted June 26th, 2010. Filed under fótbolti HM 2010

Uppröðun útsláttarkeppniNú er ekkert elsku mamma, enginn 20 mínútna göngubolti eins og í Spánn – Chile í gærkvöld, engin miskunn, bara líf eða dauði. Og vítakeppnir.

Úrúgvæ – Suður Kórea

Leikir fram að þessu með tenglum á umfjallanir hinna ýmsu vefmiðla, Guardian, Telegraph, Independent, Zonal Marking, Equaliser og 200 Percent:
Úrúgvæ – Frakkland 0-0. Guardian report Telegraph report Independent report Zonal Marking report Equaliser report 200 percent report
Suður Afríka – Úrúgvæ 0-3. Guardian report Telegraph report Independent report Equaliser report
Mexíkó – Úrúgvæ 0-1. Guardian report Telegraph report Independent report Zonal Marking report 200 percent report
Suður Kórea – Grikkland 2-0. Guardian report Telegraph report Independent report 200 percent report
Argentína – Suður Kórea 4-1. Guardian report Telegraph report Independent report Zonal Marking report Equaliser report 200 percent report
Nígería – Suður Kórea 2-2. Guardian report Telegraph report Independent report
Úrúgvæar hafa að margra mati staðið sig best allra liða í keppninni fram að þessu. Ég er ekki sammála en eingöngu vegna þess að ég tel ekkert lið hafa skarað framúr. Úrúgvæ er hins vegar hikstalaust eitt af þeim liðum sem standa jafnt að vígi eftir fyrstu umferðina. Hafa spilað góðan bolta, með sterka einstaklinga, beitta framherja og góða vörn. Þó að Suður Kórea spili vissulega fínan fótbolta munu þeir eiga erfitt með Úrúgvæana og einn öruggasti sigur annarar umferðar verður raunin, 2-0.

Bandaríkin – Gana

England – Bandaríkin 0-0. Guardian report Telegraph report Independent report Zonal Marking report Equaliser report 200 percent report
Slóvenía – Bandaríkin 2-2. Guardian report Telegraph report Independent report
Bandaríkin – Alsír 1-0. Guardian report Telegraph report Independent report 200 percent report
Serbía – Ghana 0-1. Guardian report Telegraph report Independent report Zonal Marking report Equaliser report 200 percent report
Ghana – Ástralía 1-1. Guardian report Telegraph report Independent report Equaliser report
Ghana – Þýskaland 0-1. Guardian report Telegraph report Independent report Zonal Marking report 200 percent report
Gamli evrópski tradisjónalistinn í mér horfir á þessi lið og hugsar: Í annarri umferð í HM? Hví í ósköpunum? Ég verð að berja niður svoleiðis afturhaldshugsunarhátt, þetta er nokkuð spennandi. Gana ber vonir Afríku á herðum sér og Bandaríkin hafa spilað ágætlega. En Bandaríkin komust upp úr auðveldasta riðlinum, og Gana var ekki nógu sannfærandi nema í sigurleiknum gegn Serbum. Kannske þess vegna ætti þetta að verða markaleikur, en ég held að bæði lið verði of varkár. 0-0 eftir venjulegan leiktíma, 0-0 eftir framlengingu og Bandaríkin vinna vítakeppnina.

Að aflokinni riðlakeppni

Posted June 26th, 2010. Filed under fótbolti HM 2010

Riðlarnir eru búnir og kominn tími á að líta til baka yfir síðustu tvær vikur. Ég reyndar birti ekki spána sem ég styðst við og hún er sú sem ég gerði fyrir keppnina en leikjaspánum breytti ég síðan eftir fyrstu umferð í það sem ég birti hér. Þannig þið verðið bara að treysta mér að ég sé ekki að fara með fleipur.

A riðill

Spáði Úrúgvæ og Mexíkó áfram og það reyndist rétt. Frakkland skeit mun duglegar á sig en ég (og nokkur?) bjóst við en tvö bestu liðin fóru áfram. Sigur Suður Afríku á Frakklandi í síðasta leik fleytti þeim í sömu markatölu og Mexíkó en það var aldrei stórhætta fyrir Mexíkanana.

B riðill

Fór sem ég spáði, tvö bestu liðin áfram og allt meira eða minna eftir bókinni. Reyndar var sigur Grikkja á Nígeríu eingöngu vegna rauða spjaldsins og Nígería hefði annars verið í harðri keppni við Suður Kóreu um að komast áfram. En við horfum aðeins fram hjá því.

C riðill

EASY riðill Tjallanna var allt annað en og úrslitin á víð og dreif. Ég reyndar spáði Alsír áfram en þeir gátu ekki staðið undir þeim væntingum. Slóvenar stóðu sig fantavel og hefðu komist áfram ef ekki fyrir mark Donovan á síðustu mínútu en ég verð víst að viðurkenna að tvær bestu þjóðirnar komust áfram.

D riðill

Serbar gerðu aftur á sig. Ég spáði þeim áfram en Gana núll stigum. Hana nú. Þjóðverjar voru svipaðir og ég bjóst við, var ekki nálægt því að afskrifa þá fyrir keppni. Ástralir gerðu vel að rífa sig upp eftir slæmt tap í fyrsta leiknum. Tvö bestu… osfrv.

E riðill

Rísandi sól í E riðli, þvert á mínar væntingar. Kamerún mun slappari en ég bjóst við og Hollendingar eru ekkert sérstakt augnakonfekt. Allt sanngjarnt. Reyndar ekkert búinn að segja um leikina á fimmtudaginn, en nægir að Japan átti sigurinn á Dönum fyllilega skilinn

F riðill

Paragvæ spáði ég reyndar áfram þannig þeir komu mér ekki á óvart. Slóvakar stóðu sig vel og nýttu sér að Ítalir gerðu upp á bak. Sigur þeirra á fimmtudag mjög góður. Nýsjálendingar fara heim taplausir, fimmta þjóðin í sögu HM. Frábær árangur frá strákunum frá landi hins langa skýs. L

G riðill

Þarna var ég, eins og flestir býst ég við, alveg með þetta. Jafnteflið hjá Portúgal og Fílabeinsströndinni aðeins að trufla, en markatalan sá um þetta.
Þeta var frekar leiðinlegt í gær…

H riðill

Spáði einhver Sviss sigri á Spáni? Nei? Ok, þá er ég með þetta jafnrétt og þið. Hlakka geysilega til beggja leikjanna í næstu umferð, Brasilíu – Chile og Spánar – Portúgals. Frábær lið. Vonandi frábærir leikir…
Nokkrir punktar:

  • Bielsa er frábær þjálfari Chile
  • Áskita Evrópuþjóða hefur mest með aldur liða og þjálfarana að gera.
  • Áskita Afríku var viðbúin, en hefur mikið með þjálfara að gera, vona að afrískir þjálfara fari að verða standard.
  • Mest á óvart: Japan, Gana og Nýja Sjáland jákvæðu megin, Ítalía neikvæðu megin en var þó vitað af göllum
  • Það var alveg viðbúið: Þjóðverjar sterkir
  • Stærsta spurningin: Vörnin hjá Argentínu

Næsti pistill um 2. umferð birtist einhvern tímann fyrir fyrsta leik á eftir.

Nenn’ekki

Posted June 24th, 2010. Filed under fótbolti HM 2010

… löngum pósti.
England marð’etta og Englandingar halda aftur að þeir eigi góðan séns á titli, BNA hirti sæti af Slóvenum á síðustu mínútu og skutu Englandi að auki aftur fyrir sig, Slóvenar falla með sæmd.
Þjóðverjar höfðu spræka Ganverja sem komast samt verðskuldað áfram því að Serbar gerðuppá bak.
Og þetta er hrein og tær geðveiki Gæti ekki verið epískara þó Russell Crowe mætti á svæðið. Eini munurinn á þeim og skylmingaþrælum var að þeir fengu að lifa. Spurning hvort lífsviljinn er ekki bara horfinn. Vona þeir spili aðeins áfram í dag, væri svona hálf anti-climactic ef þetta fer 61-59.
Í dag vinna Ítalir Slóvaka 1 – 0, Paragvæ vinnur Kívía 1-0, Danir vinna Japani 1-0, en Hollendingar brjóta þetta upp og vinna stórsigur. 2-0 gegn Kamerún.
Og ég fer auðvitað á fyrirlestur James Randi.

Mesta klúður HM frá upphafi.

Posted June 23rd, 2010. Filed under fótbolti HM 2010

Fjögur lið komust áfram í gær en samt byrja ég á að minnast á atvik sem hafði í raun engin áhrif á úrslitin.


Ég hef aldrei séð nokkurn brenna af jafn upplögðu færi og Yakubu. Chris Iwelumo átti held ég gamla metið en það er miklu, miklu erfiðara skot! Ég hefði átt fínan séns að klára þetta! En þetta hafði engin áhrif á úrslit Nígeríu og Suður Kóreu því tveim mínútum síðar kláraði Yakubu víti af stakri prýði og jafnaði 2-2. Lengra komst Nígería ekki, Martins brenndi af kominn einn inn fyrir og Suður Kórea og Argentína komust áfram. Annars voru síðustu 20 mínúturnar í leik Nígeríu og Suður Kóreu fjörugri en allar 70 fram að því í Argentínu-Grikklands leiknum. Það voru þeir hlutar sem ég horði á og ég missti því af fyrstu þrem mörkunum í Nígeríu – Suður Kóreu og báðum mörkum Argentínu!
Eins og leikar stóðu í upphafi voru Argentínumenn og Suður Kórea áfram, en þegar Nígería skoraði gegn Suður Kóreu voru Grikkir komnir í annað sætið. Suður Kórea jafnaði síðan og komst svo yfir og Grikkir þá dottnir út. Það sást ekki á leik þeirra, hann fór aldrei úr öðrum gír. Nígería hysjaði hins vegar upp um sig sokkana, jafnaði sem fyrr segir og og hefðu komist áfram ef þeir hefðu náð að vinna Suður Kóreu en það tókst ekki. Á meðan gengu Argentínumenn frá Grikkjum verðskuldað.
Fyrr um daginn var það franski farsinn sem tók alla athygli. Fjórir leikmenn settir út úr liðinu móti Suður Afríku og það var greinilega ekki nóg, liðið var vonlaust, Suður Afríka spilaði vel og var komið í tveggja marka forystu eftir um hálftíma. Í hinum leiknum nægði jafntefli báðum liðum að komast áfram en það sást ekki á leiknum, enda myndi sigurliðið sleppa við að mæta Argentínu í næstu umferð. Úrúgvæ tók forystuna seint í fyrri hálfleik og þá voru komin þrjú mörk af þeirri fimm marka sveiflu sem Suður Afríka þurfti til að komast áfram. En lengra fór það ekki, Frakkar settu að lokum eitt mark og gerðu útum draum Suður Afríku endanlega og í raun voru það tvö bestu liðin sem komust áfram úr þessum A riðli.
Aftur fjórir leikir í dag og átta lið og í þetta skiptið hafa öll liðin þetta í hendi sér. Ástralía reyndar aðeins á pappírnum, þeir þurfa átta marka sigur til að tryggja sig áfram, ef sigurinn er minni þurfa önnur úrslit að falla með þeim.
Þetta verður því hörkuspennandi dagur! Ég ætla að vera leiðinlegur í spánni, spá eftir bókinni og vel það:
Slóvenía – England 0 – 2
Bandaríkin – Alsír 1 – 0
Ghana – Þýskaland 0 – 2
Ástralía – Serbía 0 – 3

Kvebbadur

Posted June 22nd, 2010. Filed under fótbolti HM 2010

émekvef. og slappur. Á að vera bannað í fríium. Spurning um að fá sér læknisvottorð 😀
Þannig þetta verður stutt: Portúgal rústaði Norður Kóreu. Hér er grein um stemminguna í Norður Kóreu þegar leikurinn var sýndur í beinni útsendingu fyrstur leikja þar í landi. Chile tók Sviss en Sviss hélt út átta mínútum betur en þurfti til að slá nýtt met að fá ekki á sig mark í úrslitakeppni. Ítalir áttu gamla metið en ekki veit ég hvenær það var sett.
Loks vann Spánn Hondúras 2-0, hefði átt að fara 5-0 en Fernando Torres kenndi Jabulaninum um. Hann ætti kannske að kíkja á hvernig Maradona fer með boltann.
Fjórir dagar af fjórum leikjum á dag: Horfa á einn í beinni og horfa svo á hinn af upptöku… ef hann var góður. Og líklega á fast forward. Það verður enda ekki séns að komast hjá því að vita hvernig sá sem maður er ekki að horfa á fer.
Spáin í dag:
Mexíkó – Úrúgvæ 1 – 2 : Hvorugt liðið vill mæta Argentínu og Mexíkó mun reyna aðeins of mikið að vinna
Frakkland – Suður Afríka 2 -0: Frakkland þarf fjögurra marka sving til að komast upp fyrir Mexíkó og skora fjórum mörkum meira en Mexíkó þar sem innbyrðis viðureignin er Mexíkó í vil. Það tekst ekki.
Nígería – Suður Kórea 1 – 2 : Suður Kórea tekur þennan.
Grikkland – Argentína 0 – 4 : Og Argentína klikkar ekki á þessu eins og Nígería. Eina ástæðan fyrir sigri Grikkja var að þeir voru manni fleiri.

Svindl og svínarí

Posted June 21st, 2010. Filed under fótbolti HM 2010

Það er eitthvað hjartnæmt við það að dómarinn hafi spurt Luis Fabiano að því hvort hann hafi nokkuð notað hendina við að skora. Ætli hann hafi búist við heiðarlegu svari? Dagurinn í gær endaði á fínum leik Brasilíu og Fíla… Côte d’Ivoire. Brassarnir sýndu fínan leik, annað liðið í keppninni sem á tvo góða leiki í röð, ásamt Argentínu. Mörkin voru næsta brasilísk líka, þó að vissulega hafi boltameðhöndlun Luis Fabiano í öðru markinu verið meira í ætt við Óla Stef en Péle. En var þetta ekki annars tvígrip?
Það er ekki ljóst hvort hægt verður að senda Kader Keïta í bann fyrir stórfenglegan leikaraskap. Kaká gerði ekkert annað en að bíða staðfastur eftir að Keïta hlypi á hann. Það er ólíklegt að Kaká sleppi við bannið, sem hittir Côtara verst fyrir sjálfa enda má búast við að þeir þurfi á að halda að Brasilía vinni Portúgal. Eins er alveg eins líklegt að Kaká hefði verið hvíldur í þeim leik þannig að það skiptir í sjálfu sér litlu.
Rétt er að halda til haga að byrjunarlið Brasilíu var með númer eitt til ellefu á bakinu, alltaf gaman að sjá það og rifjar upp gamla tíma (þó ekki á HM í sjálfu sér, enda hópnúmer verið reglan þar)
En aftar í tímann.
Fyrsti leikur dagsins sá Paragvæ skella slökum Slóvökum, 2-0 síst of stór sigur og ég hef lítið um þann leik að segja. Paragvæar fara áfram… nema…
En miðleikur dagsins var bomban. Fyrir leikinn vissi ég að öll úrslit væru góð fyrir mig, enda slær mitt fjölskipta hjarta bæði til Ítalíu og Nýja Sjálands. Skemmst er frá að segja að Nýsjálendingar sóttu sinn stærsta áfanga á fótboltavellinum, jafntefli við heimsmeistarana. Það hefur eflaust glatt suma bloggara að sjá fyrrum leikmann Halifax Town koma Nýsjálendingum yfir strax á 7. mínútu. Reyndar hefið átt að dæma Smeltz rangstæðan en hvorki dómarinn né aðstoðardómari hafa séð snertinguna frá Reid. Mér datt strax í hug hvort leikurinn frá ’66 þegar Pak Doo Ik skoraði sigurmark Norður Kóreu, einmitt á 7. mínútu gegn Ítaliu. Svo varð þó ekki. Ítalir fengu víti fyrir peysutog á de Rossi, rétt en mjög sjaldséð dómgæsla, líklega af því að boltinn fór rétt framan við de Rossi og því missti hann af upplögðu færi. Nýsjálendingar fengu besta færið á síðustu mínútunum, táningurinn Wood skaut rétt framhjá fjær. Nú er bara að sjá hvort fótbolti veltir rúbbí úr toppsætinu í nýsjálenskum íþróttaheimi. Ég verð að segja, ég vona ekki!
Leikir dagsins:
Portúgal – Norður Kórea: 1966 dúkkar upp aftur! Ég væri alveg til í að sjá sömu úrslit og þá, en ’10 útgáfan af Norður Kóreu spilar stífan varnaleik en ekki fljótandi sóknarleik. Portúgali vantar senter og þetta fer 0-0!
Chile – Sviss: Úrslitaleikur um toppsætið! Skyldi þó aldrei vera… Þetta fer 1-1, barátta þessara snilldartaktíkera, Bielsa og Hitzfeld er stál í stál og þeir skilja jafnir.
Spánn – Hondúras. Spánverjar þurfa svo sannarlega að girða í brók. Ég ætla að spá því að það verði, og 2-0 er niðurstaðan. Kannske ekki 6-0 en dugar til að vekja risann.

Morgunpósturinn snýr aftur

Posted June 20th, 2010. Filed under fótbolti HM 2010

Afsakið hlé…
Tveggja daga skammtur af yfirliti: Fór á Hvítu perluna enn og aftur í föstudagshádeginu (svar þeirra sem sátu fyrir aftan mig þegar þeir voru spurðir hvernig þeir hefðu fundið staðinn “Við komum nú bara alltaf hérna í hádeginu og svo var þetta allt í einu orðið að boltabar!”). Prófaði borgara, bara til að tékka, náði ekki steikarlokunni í gómsætleik. Dómarinn sá um Þjóðverja, með dyggri aðstoð þeirra sjálfra, Klose var sísparkandi í menn og með dómara sem búinn er að gefa fimm spjöld á hálftíma og þú sjálfur á gulu, þá er arfaheimska að sparka enn einu sinni aftan í mann. Rétt miðað við fyrri spjöldin en það fyrsta hefði átt að vera kyrrt í vasanum, þá hefði leikurinn verið betri. Gott mark hjá Serbíu, og flott markvarsla frá Stojković í vítinu (15 stig í Fantasy! Whoohoo!) Lélegt víti þó frá Podolski. Er þetta eðlilegri frammistaða frá Þjóðverjum.
Ekki var Slóvenía – Bandaríkin leiðindanúllnúll eins og ég spáði heldur stórgott 2-2. Bandaríkjamenn sýndu grimma baráttu til að jafna og hikstalaust hefðu átt að vinna. Að dómarinn skyldi dæma sóknarbrot þegar þeir skoruð það sem hefði átt að vera þriðja markið var stórskrýtið. Hann flautaði reyndar áður en skotið kom, en þá var fjórum mönnum haldið og togað í fimmta og það voru allt brot varnarmanna!
England – Alsír var svo þetta hrútleiðinlega núllnúll og ég nenni ekki að ræða það, slétt sama um hvað England er lélegt.
Laugardagur bjartur og fagur og ég gleymdi að blogga. Holland – Japan fyrsti leikur og Holland er Þýskaland. Knýr fram sigra með minnsta mun og lítilli fegurð. Japanir leyfðu þeim að hanga á boltanum fram að marki (þegar 23 mínútur voru liðnar höfðu Hollendingar verið með bolta 77% leiksins) en voru nokkuð ferskir í seinni hálfleiknum þó ekki tækist þeim að jafna.
Það var allt annað ástralskt lið sem mætti til leiks gegn Ghana en gegn Þýskalandi, komust yfir. En það er bannað að verja með hendi á línu eins og Harry Kewell komst að (umfjöllun hér um það hvers vegna þetta var hárréttur dómur skv. laganna hljóðan) og eftir það var þetta frekar dauft. Ghana missti sannarlega af tækifæri þarna og geta bara sjálfum sér um kennt að hafa ekki nýtt það, voru bara alls ekki nógu sannfærandi.
Fjörugur leikur kláraði daginn, Danmörk varð fyrsta liðið til að vinna eftir að hafa lent undir, slakar varnir, sending mótsins frá Simon Kjær og Afríkuþjóð fyrst til að detta úr leik.
Framundan: Slóvakía – Paragvæ 0-1; Ítalía – Nýja Sjáland 2-0; Brasílía – Kóte dívúar 2-0
Njótið sunnudagins.

Þetta var fínn dagur í gær! Chile skoraði reyndar ekki nema þetta eina mark, en spilaði alveg ágætan bolta og lofar góðu.
Svo kom að Spánverjum að setja líf í keppnina. Og það gerðu þeir svikalaust, ekki með flugeldasýningu heldur með ósannfærandi frammistöðu gegn sterku og velskipulögðu svissnesku liði Ottmar Hitzfeld. Sigur Sviss var sanngjarn (t.a.m. hefðu bæði Pique og Casillas getað fengið rautt fyrir brot þegar Sviss skoraði) og setur líf í þennan riðil svo um munar. Mætast Spánn og Brasilía í annarri umferð? Leikurinn sem margir spáðu sem úrslitaleik!
Þá var fyrstu umferð riðlakeppninar lokið, umferð fárra marka, vel skipulagðra varna og varkárni.
Það lá því beint við hjá mér að spá 0-0 í leik Suður Afríku og Úrúgvæ, en ekki 0-3 eins og ég gerði fyrir mótið. Hefði betur ekki breytt! Suður Afríka sá drauminn hverfa, Úrúgvæ spilaði vel og Diego Forlan eins og sá sem valdið hefur.
Nú í hádeginu taka Argentínumenn á móti Suður Kóreu. Endurskoðuð spá mín hljóðar upp á eitt eitt jafntefli og byggir á því fyrsta umferðin sé fordæmisgefandi, sem klikkaði svo mjög í leiknum í gær. Mikið vildi ég samt að Messi og félagar rífi þá spá í tætlur.
Nígería tekur svo Grikkland og vinnur þá sanngjarnt 2-0.
Gleðilega þjóðhátíð!!

Ísland á HM!

Posted June 16th, 2010. Filed under fótbolti HM 2010

Ef það er eitthvað sem varnarsnilld þessa móts kennir okkur þá er það sú staðreynd að Ísland á að keppa að því svikalaust og grímulaust að komast á HM með þeirri einföldu leikaðferð að fá ekki á sig mark.
Ég hef auðvitað verið á þessari skoðun í áraraðir, en þegar henni er hreyft koma upp raddir fólks sem vill frekar sjá Ísland gera einhverjar meintar tilraunir til sambabolta, sama þótt tapið verði stórt, því það er svo gaman.
Bullerttta.
Það er reyndar mikill galli að langbesti leikmaður okkar undanfarin ár spilar stöðu sem Ísland á í raun og veru ekki að leyfa sér að vera með mann í. Holan er ekki til í varnartaktinni sem nauðsynleg er.
Annars spáði ég 4-0 í síðasta leiknum í gær, en bjóst sosum alveg eins við 1-0. Var virkilega hrifinn af Norður Kóreu og það verður erfitt fyrir bæði Portúgal og Côteverja að að brjóta þá á bak aftur. Þessi riðill verður kannske aðeins öðruvísi dauðariðill en búist var við!
Og ef að einhver vill halda því fram að Maicon hafi ekki verið að reyna að skora, þá er viðkomandi vinsamlega beðinn um að hætta að vera Englendingur.
Fyrstu tveir leikir dagsins eru heillandi. Hondúras er loksins aftur á HM eftir 28 ára bið og keppir við Chile sem er hugsanlega taktískt mest spennandi lið á HM. Og svo er loksins, loksins, loksins komið að Spáni. Þarf að hafa fleiri orð um það? Ef Spánn – Sviss fer 1-0 eða 0-0 munu fullorðnir menn gráta og syrgja horfna fegurð knattspyrnunar. “Help us XaviIniestaVillaFabregas, you are our only hope!” Fyrst ég er farinn að tengja á Zonal Marking er ágætt að kíkja á umfjöllun þeirra um Spán. Snilldarsíða sem er með frábærar analýsur á flesta leiki.
Spáin: Hondúras – Chile: 0-2; Spánn – Sviss: 3-0

Ekki byrjaði þetta nógu vel hjá Ítölum í gær, en við höfum engar áhyggjur, það er ekki eins og tilvonandi heimsmeistarar hafi ekki áður gert jafntefli í fyrsta leik. Ég var annars bara ánægður með þá, sér í lagi eftir að þeir breyttu úr 4-2-3-1 í 4-4-2, en Lippi hefur ekki verið við eina fjölina felldur hvað varðar leikskipulag undanfarið.
Hin liðin í riðlinum mætast núna í hádeginu og þar kemur enn eitt liðið sem ég hef mætur á. Aðdáun mín á Alsvörtum er vel þekkt, og það er augljóst að ég mun á sama hátt styðja Alhvíta. Mér þykir þó ekki líklegt að þeir ríði feitum hesti frá þessu móti og við sjáum markaleika, Slóvakar vinna 3-0. Því miður. ETA: Nei skollinn hafi það ég hef þetta ekki af mér. Ryan Nelsen verður klettur í vörninni, 3-4-3 taktíkin verður ekki sjálfsmorðstilraun heldur snilld og þetta endar með naumum sigri Slóvaka 2-1
Síðan mætast Côte d’Ivoire (ef ekki má calla þá Ivory Coast í ensku máli, sé ég ekki að við megum nota ‘Fílabeinsströndina’ !) Þar verður spennandi að sjá hvor dettur oftar, Ronaldo eða Drogba, og ekki síður hvort úrúgvæski dómarinn dæmir eitthvað. Ég breyti aðeins spánni minni frá því fyrir keppni, held að Côtar poti inn einu, en Portúgalir skora tvö og hafa þetta af. Glæfraleg spá í ljósi fyrri leikja á mótinu, og sóknarmannsleysi Portúgala!