Um daginn var haldinn fundur sem bar yfirskriftina “Heimspekispjall: Samræða um lífsiðfræði CRISPR-erfðatækninnar”

Í tilefni af því skellti ég smá spurningu á Twitter

Í tilefni af umræðufundi í kvöld:
Eru erfðabreytingar á fólki réttlætanlegar?
Are genetical changes to humans right?

— Björn Friðgeir Björnsson (@bjornfr) November 21, 2017

Það kom mér gríðarlega á óvart að 10 af 33 svöruðu þessari spurningu með ‘Nei’ en eftir á að hyggja þá ætti það kannske ekki að vera, slíkur hefur áróðurinn gegn ‘erfðabreyttum’ matvælum verið, oftast af óíhuguðum og grunnhyggnum ástæðum.

Mér finnst þessi spurning hafa augljóst ‘Já’ svar, enda eru framfarir sem hægt er að sjá fyrir gríðarlegar og svo allar hinar sem við sjáum enn ekki fyrir enn meiri.  Þetta þarf hins vegar að vekja umræðu um hvernig við gerum læknismeðferð þessa, sem og aðrar, sem eru dýrar, aðgengilega öllum óháð efnahag og búsetu í heiminum. 

Það er annað mál

En að 30% segi bara NEI! við lækninum er ógnvekjandi staðreynd. Einhver þessara halda að ‘erfðabreytingar’ séu einhvers konar skrímsli sem muni eyða heiminum. Það kann að vera en það er klárt mál að erfðabreytingar eru framtíðin. Eina spurningin er hvernig við stöndum að þeim. Fólk sem segir Nei er fólk sem er ófært um að horfa lengra fram í tímann en fimm ár. Ef það heldur að eftir 50-100 ár verði erfðabreytingum enn haldið niðri þá er það gríðarleg ranghugmynd. Eitt af því sem þetta fólk þarf að gera er að lesa vísindaskáldsögur. Þar má finna útópíur og dystópíur erfðatækni og hægt að ímynda sér hvað svo sem er.

En að svara Nei við „Eru erfðabreytingar á fólki réttlætanlegar“ er ekki bara heimskuleg skammsýni, heldur líka hrein og klár illmennska.

Eftir leik næturinnar þegar Perú vann Nýja Sjáland 2-0 og tryggði sér síðasta sætið á HM er ljóst hvernig styrkleikaflokkunin lítur út fyrir dráttinn eftir 15 daga.

Svona líta þeir út, og liðum raðað eftir stöðu þeirra á styrkleikalistanum

Styrkleikaflokkar HM 2018

Sú takmörkun verður á drættinum að mest tvær Evrópuþjóðir verða saman í riðli, og aðeins ein þjóð frá hverju öðru álfusambandi. Martraðarriðillinn Rússland, Króatía, Ísland og Serbía er því ekki möguleiki, og ekki Argentína, Úrúgvæ, Íran og Suður-Kórea.

En það er því hægt að láta sig dreyma góða og slæma drauma næstu tvær vikur.

Fyrsti styrkleikaflokkur

Liðin í fyrsta styrkleikaflokki eru lið sem við getum í besta falli vonast eftir jafntefli gegn og þó það hafi náðst gegn Portúgal í Saint-Étienne sællar minningar þá er jafnvel það draumur. Það er því fyrst og fremst að vonast eftir að lenda gegn lið sem er gaman að spila við og hitta skemmtilega stuðningsmenn

Þýskaland

Heimsmeistararnir. Frábært lið. Frábærir stuðningsmenn. Takk.

Brasilía

Verður Neymar nei, mar? Mæta Brasilíu á HM? Já takk.

Portúgal

Erum við ekki búin að þessu? Viljum við þá aftur? Myndu vilja hefna sín, væru vel stemmdir. Má alveg sleppa þeim

Belgía

Lið sem lofar miklu en hefur kannske enn ekki brillerað. Hittum skemmtilega stuðningsmenn þeirra í Lyon um árið. Lukaku og Fellaini fyrir okkur United menn. Ekkert ægilega leiðinlegt.

Pólland

Sterkt lið, og fullt af áhorfendum. Ekki draumadráttur en ekki slæmt

Frakkland

Hafa ekkert slakað á síðan þeir rústuðu okkur í fyrra. Frábært lið.

Rússland

Eru í efsta styrkleikaflokki út á gestgjafahlutverkið. Eru lægsta þjóðin í keppninni á styrkleikalistanum. Það væri frábær stemming að mæta þeim og það væri krafa um íslenskan sigur. Myndi auka möguleika okkar á að komast áfram til muna. Væri fagnaðarefni að dragast í riðli Rússlands. Það þýddi að auki að Ísland myndi sleppa við evrópskt lið úr 2. styrkleikaflokki, sem og Serba, sterkasta liðið í þeim fjórða. Reyndar yrði um mikil ferðalög að ræða, eins og myndin sýnir en Ísland gæti þá lent í ferðalögunum sem grænu, bláu, eða appelsínugulu línurnar sýna.

Annar styrkleikaflokkur

Hér eru eingöngu sterk lið sem erfitt væri að mæta, en að sama skapi skemmtileg lið.

Spánn

Ekki sama lið og var ósigrandi fyrir 4-8 árum en gríðarsterkt. Lendum ekki með Spáni í riðli nema vera með Argentínu eða Brasilíu líka og þyrftum þá litlar áhyggjur að hafa af því að komast áfram en skemmtanagildið væri að sama skapi augljóst.

Perú

Þetta er lið sem er hægt að vinna. Slefuðu fimmta sætið í undankeppninni, náðu bara jafntefli á útivelli gegn Nýsjálendingum. Flottasti búningurinn á mótinu. Þetta er ég til í! Þá væri einnig öruggt að við fengjum Evrópulið úr fyrstaflokki og myndum sleppa við Serba.

Sviss

Erfitt og leiðinlegt lið og stuðningsmennirnir? eru þeir ekki frekar boring? Fengjum þá samt Argentínu/Brasilíu úr fyrsta flokki sem frábæra skaðabót.

England

Nei takk. Ég er alveg laus við Englandsblæti og þeir væru í hefndarhug. Virðast ætla að ná að endurnýja liðið svolítið og yrðu erfiðir. Sama og fyrr með Evrópulið. Argentína og England saman í riðli er alltaf fjör, þannig að það gæti orðið áhugavert!

Kólombía

El Tigre og Hames gegn Ragga og Kára. ÚFF! Er fuglamaðurinn enn á lífi? Hann var á HM 2014! Spennandi og skemmtilegur en hörkuerfiður dráttur.

Mexíkó

Sýnd veiði en ekki gefin. Sterkt lið en líklega það lið sem Ísland myndi kannske helst vonast til að sigra. Þeir stuðningsmenn sem komast til Rússland myndu setja svip sinn á keppnina og væri gaman að hitta þau. Eini möguleikinn úr öðrum flokki sem opnar á að við lendum gegn Serbíu.

Úrúgvæ

Einn fyrir Stefán Pálsson og aðra rómantíkera, mig líka. Líklega eitt af þeim liðum sem ég vil helst mæta í þessum flokki, þó þeir hafi Bít. Voru í öðru sæti í undankeppninni í Suður Ameríku, hörkulið.

Króatía.

Nei! Neineinei. Nei takk. Búinn að fá nóg af Króatíu. Óspennandi og erfitt! Þó við höfum sigrað þá heima.

Fjórði styrkleikaflokkur

Serbía

Erfiðasta liðið, og „áhugavert“ að mæta serbneskum stuðningsmönnum í Rússlandi. Ef við mætum Serbum þá er ljóst að það yrði í riðli með Mexíkó og annað hvort Argentínu eða Brasilíu. Það væri sannarlega áhugaverður riðill.

Nígería

Erfiðir andstæðingar en að sama skapi væri þetta frábærlega gaman. Það yrðu alltaf fjöldi stuðningsmann og þetta yrði partí.

Ástralía

Nú erum við komin á þann stað að sigur er líklegri en hitt gegn andstæðingi þó aldrei sé hægt að heimta neitt. Ástralía myndi þýða að ég væri með nýsjálensku rúbbítreyjuna mína frá 1995 á kantinum!

Japan

Frekar óspennandi, en samt? Þekki ekki liðið, örugglega fjör á pöllunum.

Marokkó

Þetta væri gaman!

Panama

Sigur! ekkert annað um þetta að segja

Suður Kórea

Einn fyrir Tottenham fólkið, að öðru leyti óspennandi.

Sádí Arabía

Værum ekki í mikilli samkeppni á börunum frekar en gegn Marokkó. Skyldusigur.

Draumar og þrár

Það væri að sjálfsögðu draumurinn að komast áfram. Það er ljóst að okkar helsti möguleiki til þess er að mæta Rússum.

Þá koma eingöngu Mexíkó, Kólombía, Úrúgvæ og Perú til greina úr öðrum styrkleikaflokki. Af þeim eigum við mesta möguleika gegn Mexíkó og Perú.

Þá er útilokað að mæta Serbíu og því helst Nígería sem ég hræðist úr fjórða flokki

Setjum því upp möguleikann

Rússland
Perú
Ísland
Sádí Arabía

og það væri alls ekki óraunhæft að vonast til að verða í efstu tveim sætunum!

En það er margt fleira til. T.d. að mæta frægustu treyjum heims, þeim gulu, nú eða eftir að hafa séð Ronaldo í eigin persónu í fyrra að mæta Messi.

Brasilía
Spánn
Ísland
Nígería

væri riðill sem við færum kannske ekki frá með stig, en þvílík upplifun!

Við megum ekki gleyma að við fórum til Frakklands með raunhæfar væntingar og ég fyrir mitt leyti hefði ekki verið svekktur með þrjú 0-2 töp, svo fremi sem liðið hefði lagt sig allt fram. Nú gerum við sömu kröfur og ef riðillinn verður erfiður, nú þá er það bara svo.

Að eingöngu tvö Evrópulið verða saman í riðli útilokar leiðindi á borð við

Rússland
Króatía
Ísland
Serbía

og það eru í raun ekki margir hræðilegir möguleikar, því flestar samsetningar gefa okkur ýmist vinnanlega leiki eða spennandi mótherja. En ég myndi kannske ekki hoppa af gleði yfir

Pólland
Mexíkó
Ísland
Japan

og þó? Raunhæfur möguleiki á að komast áfram ef vel gengur? Þannig að ég myndi bara sjá gleði í þessu líka

Ég hlakka svo til fyrsta desember!!!