10

Að missa ekki af leik

Posted February 7th, 2006. Filed under Uncategorized

Þorsteinn Joð telur ólíklegt að einhver eigi eftir að horfa á alla leikina í HM. Ég tel frekar líklegt að ég klikki ekki. Síðasti leikur sem ég missti af í HM var leikur Saudi Arabíu og Marokkó á HM’94. Ég átti hann reyndar lengi á teipi og ætlaði að horfa á til bara til að horfa, en það klikkaði og teipið týndist. ’86 sá ég alla leiki sem RÚV sýndi, og á enn 2 litlar minnisbækur sem ég nóterað niður um leikina. 1990 sá ég alla leiki þökk sé Eurosport og nóteraði hjá mér liðin, markaskorara og helstu atriði í leikjum. Það sumar vann ég í samgönguráðuneytinu og vann 7-kortérfyrirþrjú til að komast heim í þrjú leikinn. Síðan ætlaði ég að koma þessu í tölvu og eitthvað fór inn. Enn á ég blöðin sem ég nóteraði þetta niður Sama var uppi á teningnum ’94. Þá náði ég að koma þessu inn fram að fjórðungsúrslitum (í Word). ’98 var ég orðinn tæknilegri og setti upp Access gagnagrunn til að setja inn, færði tölvuna inní stofu og gerði þetta jafnóðum. Sýnist ég eiga þá keppni nokkuð komplett. Þá var að auki netið komið í fullan gang, held ég eigi öll mörkin á tölvutæku, haug af myndum og öll report úr helstu ensku blöðunum. 2002 tók ég ákvörðun um að ég væri ekki að hafa alveg eins gaman að þessu og áður og skrifaði ekkert til að minnka ábyrgð. Sá samt alla leiki en hafði engar áhyggjur af því, horfði á leiki með félögum hér og þar og tók þessu létt. Suma leiki sá ég meira að segja ekki alveg alla, í þeim skilningi að í staðinn fyrir að horfa leiki sem voru á sama tíma hvorn á eftir öðrum eins og alltaf áður var ég með tvö sjónvörp í gangi og horfði á báða í einu, svo framarlega sem það var hægt. Nú er planið að halda þessu óbrotnu, taka frí úr vinnu þegar riðlakeppnin er og njóta sumarsins. ekki ósvipað og ég gerði 2002. Tímasetningin þá hentaði reyndar fullkomlega, leikir á morgnana og svo var eftirmiðdagurinn frír.
Svo sjáum við til hvort ég get bísað einhverja miða á leiki, ef það gerist missi ég auðvitað af leikjum, en einhverju verður að fórna 🙂
En niðurstaðan er samt sem áður að nota bloggfærnina, ef einhver er, og fylgja gömlum hefðum, þó ekki verði jafn nákvæmar lýsingar og 1998. Frekar að reyna að koma á framfæri því sem mér finnst og upplifuninni af keppninni.
Til þess verður þetta blogg. Lúkkið breytist líklega eitthvað aðeins, kem til með að hlaða inn sértækum linkum ofl ofl.
Vona að ég endist í verkefninu!

10 Responses so far

  1. SHIFT-3 says:

    Ég held að tugir manna muni horfa á hvern einasta leik. Botna ekkert í þessu rugli í Þorsteini.
    1998 sleppti ég útskriftinni í Háskólanum, enda leikur Austurríkis og Kamerún á sama tíma í sjónvarpinu. (Reyndar hefði ég líklega sleppt útskriftinni hvort sem er – en sagan er betri svona.)
    Riðlakeppnin er skemmtilegust.

  2. parisardaman says:

    Þið eruð nú meiri nördarnir! Tengdapabbi var kominn með alla leikina inn í dagbókina sína um leið og dregið var í riðla og grét yfir einum leik sem ljóst var að hann gæti ekki séð vegna vinnu. Nördar allir saman.

  3. Sleppti reyndar ekki útskriftinni úr HÍ 94, en teipaði leikinn og… hm. kannske var það einmitt … gúglgúgl. jú stemmir. Sádí Marokkó. laugardaginn 25.júní 1994.
    Eyddi síðan veislunni í að horfa á Belgíu – Holland.
    Auðvitað er ég nörd. Og?

  4. hildigunnur says:

    nörd eru næs
    eða var það nörd eru nauðsyn?
    hvorttveggja satt
    (ég er samt fegin að bóndi minn er laus við akkúrat þennan nördaskap. Hann á pottþétt eftir að horfa eitthvað og ég jafnvel með, en enga svona fanatík 😉 )

  5. “Some of my best friends are […] but I wouldn’t marry one” ha?
    híhíhí

  6. hildigunnur says:

    hehehe

  7. Kanzlarinn says:

    Skora á Björninn að reka veðbankann “Friðgeirinn” á meðan á HM stendur. HM á ekki bara eftir að vera skemmtilegt á að horfa heldur einnig gera mann ríkan, það er svo ágætt.

  8. Anonymous says:

    Veðmál eru ólögleg á Íslandi kæri vinur. Hélt þú vissir það?

  9. parisardaman says:

    Nördar eru mjög skemmtilegir. Þetta var alls ekki illa meint hjá mér og átti alls ekki að hljóma sem neitt diss.

  10. Jón Lárus says:

    Þú tekur þetta greinilega með trukki 😉

Leave a Comment