3

Já, eftir atburði gærdagsins er ég aftur farinn að vinna hjá Kaupþingi banka hf. En samt áfram hjá KB banka.
Það var sumsé aðalfundur í gær sem var vel sóttur og eftir fundinn hópuðust starfsmenn af öllum þjóðernum á hin ýmsu veitingahús bæjarins. Þar sem ég var ekki í neinum vinnuhópanna í gær endaði ég í góðra kvenna hópi á Tapasbarnum og fékk gott að borða. Kvöldið hélt svo áfram á apótekinu og Thorvaldsen áður en ég hætti leik þá hæst hann stóð og keyrði heim á leið. Ég var nefnilega óhemju stabíll og afþakkaði áfengi í gær. Held ég geri það samt ekki á árshátíðinni eftir tvær vikur! Í alla staði mjög gott kvöld.
Ætla að endurtaka hér athugasemd sem ég plantaði við blogg hjá Særúnu Maríu enda hnyttið og rétt í umræðunni um Hefnd Siþþanna:
Sko… þegar george lucas segir þetta eiga að verða eins og Titanic, þá fór ég nú að hugsa hvort ég ætti nú ekki bara að fara á myndina þrátt fyrir hrollinn af epísódum 1 og 2..
Enda fór ég á Titanic gagngert til að sjá einhvert mesta stórvirki 20. aldar sökkva endanlega í sæ.

Er búinn að lesa tvær nýjar bækur frá KaupiAlltaf höfundum. Nýjasta Kathy Reichs er bara lala og ég finn vægan fnyk af Cornwall syndrómi. Plottið ekki áhugavert, og einkamálaplottið efnislítið og dregið á langinn í gegnum bókina. Það er oft sem höfundar þurfa að gera ráð fyrir að persónurnar þeirra tali ekki saman eins og flest fólk. Nýjasta Ian Rankin var líka ekki frábær, Fleshmarket Close. Of þunnt plott. Það fyndnasta er reyndar að í Bandaríkjunum heitir hún Fleshmarket Alley. Tvær þjóðir aðskildar af einu tungumáli.
Best að klára skattframtalið hennar mömmu núna. Á bara eftir að setja inn eina tölu. Svo er mitt á morgun. En ætli ég sæki ekki um frest samt 😀
Svo er þriggja daga vinnuvika. Vúhú!

3 Responses so far

  1. Hildigunnur says:

    Er að lesa Bare Bones núna, spurning hvort ég fái ekki bara þá nýjustu lánaða hjá þér svo ég þurfi ekki að kaupa hana, úr því hún er ekki top quality?
    Cornwell syndrome, það sem pirraði mig mest við þær bækur var hvað allt var ööööömurlegt í einkalífi vesalings konunnar. Er það líka dæmið í þessari nýjustu Reichs bók? Ef svo er ég ekki viss um að ég vilji lesa hana… Rankin hef ég ekki náð upp í. Hef bara lesið eina og ætlaði ekki að geta klárað. Boooring.

  2. Ekki vandamál, kem henni til þín.
    Án þess að segja neitt mikið er prívatplottið þunnt, lítið og dregið óhóflega á langinn.
    En, döh, nefndu mér eina reyfarahetju hvörs einkalíf er ekki því sem næst í rúst. Það þarf alltaf drama og síðan það var ákveðið að Bond týpan, ein í hverri höfn, væri óæskileg er dramað alltaf neikvætt.

  3. Hildigunnur says:

    frábært, takk 🙂
    jú jú, það þarf drama, en það var bara alltaf svo hrrrikalega yfirdrifið hjá grey Scarpetta, karlarnir hennar drepnir, lesbíska litla frænkan í tómu tjóni, allt á versta veg. Maður verður að fá að sjá smá ljósglætu af og til, þetta var bara orðið leiðinlegt. Hef reyndar ekki lesið síðustu 3-4 Cornwell bækur, þannig að spurning hvort hlutirnir hafa eitthvað skánað hjá henni. Segja bara allir að plottin séu orðin svo skelfilega léleg að mér hefur ekki dottið í hug að kaupa bækurnar…

Leave a Comment